Athyglisvert form blaðdreifingar

Á rölti mínu hér um byggðarlagið í gær gekk ég fram á þrjú knippi af Fréttablaðinu frá 28. mars sl. þar sem engrar dreifingar á því er von. Innpakkað í plast og bundið utan um.

Ekki í fyrsta sinn sem þetta gerist.  En í fyrsta sinn sem ég var með myndavél í vasanum og mundi eftir því.

Með svona dreifingu er vandalítið að ná háum tölum þar um til að flagga framan í hugsanlega kaupendur auglýsinga.

Til að fyrirbyggja misskilng vil ég taka fram að ég á ekkert sökótt við Fréttablaðið og fletti því oft.

Ef dreifingin hefur náð alla leið að mínum dyrum.

Þessi geymslustaður er reyndar ekki svo langt frá heimili hins eldri af tveimur ritstjórum DV -- þó ég lesi svo sem ekkert sérstakt í það.

 

 

Nema af í því hefði átt að felast ákveðin ögrun.

Ég hef aldrei fundið DV eða Moggann svona í víðavangi. Ekki í neinu upplagi, að minnsta kosti.

 

 

 

 

 

Athugasemdir

[EE elle (IP-tala skráð) 8.4.2009 kl. 18:07]

Flottur pistill og lýsandi ljósmynd.  Fréttablaðið hefur nú nokkrum sinnum sést í slíkum stöflum víðar. 

[Þórður Björn Sigurðsson, 8.4.2009 kl. 23:58]

Skrýtin afmælisgjöf.

[Hannes Hannesson (IP-tala skráð) 9.4.2009 kl. 11:08]

Gott væri að fá staðsetningu á þessu þannig að hægt sé að finna út hver er að svíkjast undan vinnu sinni.....

kv HH

[Sigurður Hreiðar, 9.4.2009 kl. 11:29]

Já, EE elle, það hef ég líka séð og sé eftir að hafa ekki verið með myndavél í þeim tilvikum líka.

Þórður Björn: ég lít ekki á þetta sem afmælisgjöf þrátt fyrir  dagsetninguna.

Hannes: Hornið á Flugumýri og Grænumýri í Mosf.

[Pétur Pétursson (IP-tala skráð) 13.4.2009 kl. 20:57]

Sæll Sigurður Hreiðar!

Þetta er leiðinlegt að sjá og það verður strax gengið í málið til að finna út úr þessu. Þar sem mér er málið skylt langar mig rétt aðeins að tjá mig um þá  fullyrðingu að það sé vandalítið með svona dreifingu að ná "háum tölum þar um til að flagga framan í hugsanlega kaupendur auglýsinga." Hér gætir einhvers misskilnings. Við sölu auglýsinga er dreifingunni sem slíkri ekki flaggað framan í auglýsendur. Það er hinn daglegi lestur sem er mælikvarði sem auglýsendur horfa til. Lesturinn er mældur af Capacent og þess má geta, vegna þess að myndirnar hér eru af höfuðborgarsvæðinu, að Fréttablaðið er með um 100% meiri lestur en Morgunblaðið á því svæði í einum eftirsóttasta markhópi auglýsenda (18 til 49 ára). Með þökk fyrir ábendinguna. Við fylgjum þessu sannarlega eftir.

Pétur Pétursson, framkvæmdastjóri sölusviðs 365 miðla ehf.