Hvenær er maður það sem hann er?

Nú er orðið tímakorn síðan ég hef bloggað. Smetta er nokkurn veginn að hafa yfirhöndina. Samt væri gaman að grípa í þetta aðeins svona þó ekki væri nema til að halda því við. Því ekki eru allir á Smettu en það sem maður hefur til málanna að leggja þarf náttúrlega að komast sem víðast. (Takið eftir að ég sagði ekki „náttúrUlega“).

En sem sagt:

Las í Mogganum í morgun að tiltekinn borgarfulltrúi væri ekki borgarfulltrúi nema þegar hann væri í vinnunni. Haft eftir honum sjálfum. Skringilegt atarna. Þá er rithöfundur tam. ekki rithöfundur nema þann tíma sem hann er að pikka inn ritverk sitt. Leigubílstjóri ekki leigubílstjóri nema þegar hann er í leiguakstri. Hestamaður ekki hestamaður nema hann sé með hross í klofinu. Og annað eftir því.
Hins vegar er skítt ef borgarfulltrúi má ekki leika sér með strákunum vinum sínum þegar hann á frí. Þó það sé einhver vinanna sem borgar veitingarnar á meðan og jafnvel standi fyrir gistingu ef þarf.

 

Athugasemdir

[Ragnheiður , 9.6.2012 kl. 20:47]

Haha og ég þá ekki mamma þegar krakkarnir eru ekki heima ?

Ég hlustaði á viðtal við manninn en það gleymdist að taka fram hvort rætt var við manninn eða borgarfulltrúann :)