Alveg meðferð á móðurmálinu

Er Mogginn að drepast úr sparnaði? Hverrar þjóðar skyldi ritari þessarar fréttar vera? Og: eru fréttir á mbl.is ekki prófarkalesnar?

Það er mjög „alvegt“ þegar svona er flaustrað með fréttaskrifin. Það ver „alveg“ meðferð á íslenskri tungu.

Gengu í skrokk á 19 ára stúlku

Athugasemdir

[Kristinn Sigurjónsson, 9.4.2009 kl. 20:19]

Ég er sammála Einari, þótt það sé galli ef menn skrifa vitlaust, eða fara illa með íslenskt mál, þá er það svo, að íslenskan er erfitt mál, og er mér t.d. erfið þótt ég sé íslenskur í húð á hár og á íslenska forfeður aftur að Ingólfi Arnarsyni, en þar lýkur mínum íslenska legg.   Svo eru aðrir sem eru annað hvort lesblindir eða ritblindir.   Ég á aftur á móti auðvelt með stærðfræði og raungreinar og er ekkert að láta það ergja mig þótt fólk skilji ekki algebru, nema þá sem ekki skilja verðtryggingu og vilja afnema hana.

[Hjörleifur (IP-tala skráð) 9.4.2009 kl. 20:22]

Vá gamli kall. Ef þetta er það eina sem þú sérð athugunarvert við þessa frétt af svon ofbeldismönnum þá ættiru að hætta að blogga. Það er greinilegt að þú varst bara að finna eitthvað til að blogga um. Fáðu þér sterkari gleraugu og lestu svo fréttna og um hvað hu er

áður en þú færð fyrir hjartað og teig þig í sprengjtoflu þá er ég skrifblindr

[Árni Torfason, 9.4.2009 kl. 21:18]

Ég hélt að fólk myndi vaxa upp úr því að gera athugasemdir við innsláttarvillur of þess háttar smámuni. Greinilega ekki.

[Lísa Margrét Kristjánsdóttir (IP-tala skráð) 9.4.2009 kl. 22:42]

Hvers vegna þykir það svona ægilega slæmt að gagnrýna lélega skrifaðar fréttir þegar fréttin er svona sláandi en ef hún hefði verið um bankahrunið eða eitthvað álíka þá er í lagi að gagnrýna.

Fréttir á mbl.is eru oft mjög illa skrifaðar, fullar af innsláttarvillum og hreinum málfræðivillum og það hlýtur að vera í lagi að gera þá kröfu til blaðamanna að skrifa góða íslensku, en ekki að þeir geti falið sig á bak við ritblindu eða lesblindu. Ég meina ég hef ekki mikið að gera í starf sem túlkur ef ég er rétt slarkfær á erlendum málum.

[Jón Þ. (IP-tala skráð) 9.4.2009 kl. 22:54]

Sammála ykkur sem gerið athugasemd við blogg Sigurðar. Svo rökstyður hann mál sitt ekki í neinu.

[Edda (IP-tala skráð) 9.4.2009 kl. 23:14]

Algjörlega sammála þér S.H. og Lísu M.K. - algjörlega burtséð frá fréttinni!! Lágmarkskrafa til blaðamanns á Íslandi, hlýtur að vera að kunna og skrifa góða íslensku!!

[Daníel Sigurðsson, 10.4.2009 kl. 02:35]

innsláttarvillur eru fyrirgefnar á bloggsíðum og þannig miðlum, en ekki hjá fjölmiðlum.

þegar fréttamaður er búinn að skrifa frétt þá á einhver annar að lesa hana yfir, þegar búið er að leiðrétta það sem þarf að leiðrétta þá er hún send til ritstjóra sem á að lesa fréttina yfir til að samþykja birtingu, svo tekur enn einn aðili við henni og staðsetur hana á heimasíðunni,og setur upp þannig að hún birtist eðlilega, og ef greinin fer í prent þá eru enn fleirri aðilar sem fá greinina í hendurnar áður en hún er prentuð.

meirihlutinn af þessum mönnum eru menntaðir, annaðhvort í fjölmiðlafræðum, prenti eða einhverju öðru en allt námið á það sameiginlegt að þeir EIGA að kunna íslensku, bæði talaða og skrifaða.

þannig að mér finnst sjálfsagt að setja út á illa skrifaðar greinar fjölmiðlafólks, sérstaklega þegar augljósar villur sleppa framhjá 5-10 manns áður en við almúginn sjáum fréttina...

[Anna Andulka, 10.4.2009 kl. 12:14]

Auðvitað hefur Sigurði brugðið við þessa frétt eins og öðrum, en það er rétt hjá honum að það er orðið sláandi hversu lélegir blaðamenn á netmiðlunum eru. Hér á blogginu er boðið upp á prentvillupúka og blöðin hljóta að vera með einn slíkan auk þess sem það ætti að vera skylda að prófarkalesari lesi yfir fréttir sem birtast almenningi.