Málalengingar

Til athugunar: Hefði mátt sleppa orðinu „magn" í þessari klausu? Sleppa því alveg í klausunni sjálfri en stíla fyrirsögninga svona: Mikið af fíkniefnum…  ??

Mikið magn fíkniefna í Norrænu

Athugasemdir

[sleggjudómarinn (IP-tala skráð) 11.6.2008 kl. 11:08]

Aldeilis hárrétt. Eitt dæmi í endalausri röð tilvika sem sýna hvað blaða- og fréttamenn eru slappir í móðurmálinu sínu. Þeir eru eins og smiður sem kann ekki að halda á hamri ......

[Sigurður Hreiðar, 11.6.2008 kl. 14:31]

Hvers vegna ekki „lítið af fíkniefnum?" Eða bara „lítilræði"?

Annars gaman að sjá þig gægjast hingað inn, frændi.

[Eiður (IP-tala skráð) 11.6.2008 kl. 17:47]

Til gamans.  Á visir.is í dag  stendur:  Menn á vegum Landsbjargar eru farnir (leturbr. mín) að afla upplýsinga um bandarískan kajakræðara sem hugðist róa í kringum landið.

[Beturvitringur, 12.6.2008 kl. 00:32]

Það er svona þegar fólksfjöldi er mikill  og stór fjöldahreyfing þarf að reykja hassið sitt :(    nei, annars þetta er ekki fyndið; alls ekki umfjöllunarefnið og málfarið farið.

[G.Hr (IP-tala skráð) 12.6.2008 kl. 11:45]

Grrr... Í fréttunum í gærkvöldi á St.2 endurtóku þeir Logi og einhver annar fréttamaður, oftar en einu sinni og oftar en tvisvar að bangsinn sem skotinn var um daginn  hefði nú verið  FLÁDUR!!  Og þeir hikstuðu ekki einu sinni á þessu. Mér datt svona í hug hvort enginn vildi taka sig til og slá þá utanundir fyrir þessa ambögu. Þá væri hægt að segja að  þeir hefðu  verið "sláðir" eins og bangsagreyið vað "fláð".

Mig minnti endilega að skepnur hefðu verið slegnar af og svo flegnar, eða var það ekki??  Kv. G.Hr.