Laugardagur til lukku!

Skrýtið hvað maður getur ruglast á dögum. Allan daginn í gær fannst mér vera laugardagur. Og svo er aftur laugardagur í dag! Sosum í lagi, laugardagur er til lukku.

Verra var að ég ruglaðist á dagsetningu fyrir þjóðhátíðardar Kanada í gær (sbr. næst-stíðasta blogg mitt) og gaf Kanadamönnum þjóðhátíðardag Bandaríkjamanna. Þar var ég líklega tveimur dögum of seinn. Annars sýnist mér þegar ég gúggla þetta að Kanadamönnum sé ýmist helgaður 2. júlí eða 1. júlí. Svo mér er kannski vorkunn með þetta rugl.

Athugasemdir

[Gaui (IP-tala skráð) 5.7.2008 kl. 15:00]

Stenst ekki mátið að skjóta inn athugasemd hér. Þú varst líklega ekki einn um að ruglast á dögum í gær. Ég var á ferð með hópi fólks og þar var einmitt eitt umræðuefnið að næstum öllum í hópnum fannst endilega að það væri laugardagur, þó dagatalið sýndi allt annað. Þetta hlýtur að hafa verið eitthvað í loftinu eða "tíðaranda" dagsins. Skemmtileg tilviljun. Skyldi hún hafa verið víðar við lýði?

[Þráinn (IP-tala skráð) 5.7.2008 kl. 22:42]

Sæll félagi. Þegar ég vaknaði í morgun var ég viss um að í dag væri sunnudagur.  En þegar hvorki Ævar né messan skiluðu sér fór ég að efast.  Og viti menn í dag er laugardagur, en eins og minn gamli vinnufélagi Gummi Helga sagði þegar hann var spurður að því eftir að hann hætti að vinna hvernig væri að hafa eintóma sunnudaga: "Hjá mér eru bara laugardagar, þeir eru miklu skemmtilegri."