Kynferði eða kynlíf

Hvenær á að hætta að rugla saman kynferði (ætt, uppruna, tegund) og kynlífi (kynmökum?

Þetta er ruglingslegt orðalag og teprulegt, álíka vitlaust og þegar sagt er að einhverjir (einkum unglingar) séu „farnir að stunda“ kynlíf þó þeir hafi álpast til að gera do do einu sinni eða tvisvar á ævinni.

Umræða um kynferðismál Íslendinga oft skrýtin

Athugasemdir

[Brynjar Jóhannsson, 29.7.2008 kl. 20:45]

Það er nátturulega líka talað um "kynferðislega" áreittni og það er einnig talað um hvort þú sjáir eitthvað kynferðislegt við þessa manneskju. 

þannig að þetta  orð hefur nú verið brúkað ansi oft í gegnum tíðina með vitlausri áheyrslu... Hitt er að að ég kaupi þína skýringu 100% 

[Svanur Gísli Þorkelsson, 29.7.2008 kl. 20:54]

Kynlífsmálin eru skrýtin, áreitnin er kynleg en ekki endilega kynlæg.  Sjálfsagt sér maður á manneskjunni hvert kynferði hennar er þó ekki sé alltaf víst með kynhneigð.

[Nanna Rögnvaldardóttir, 29.7.2008 kl. 23:51]

Orðið kynlíf er að ég held innan við aldargamalt í íslensku og öll orð í Ritmálsskrá Orðabókarinnar sem byrja á kynlífs- eru frá því eftir miðja 20. öld. Til eru dæmi um orð sem byrja á kynferðis- og eiga við kynmök frá því á 19. öld og í Ritmálsskránni eru mörg dæmi um slík orð frá fyrri hluta 20. aldar (t.d. frá Laxness, Þórbergi og Guðmundi Kamban), þannig að sú orðnotkun er í rauninni upprunalegri.

[Sigurður Hreiðar, 30.7.2008 kl. 09:14]

Þetta er allt mjög kynlegt!