Stundar maður eitthvað þegar það er gert í fyrsta sinn?

Læt mér í léttu rúmi liggja hvar og hvernig þetta spænska karlhró gerði dodo í fyrsta sinn. Hitt þykir mér að það er kalla að hann hafi stundað kynlíf í það skiptið -- að stunda þýðir að mínu viti að leggja stund á eitthvað, iðka það aftur og aftur, og í fyrsta sinn sem það er iðkað er það enn of sjaldgæft til að hægt sé að kalla það ástundun.

Þarna segir einnig „Sem leiðtogi héraðsstjórnarinnar þá ætti hann að vera ungu fólki í Cantabria sem góð fyrirmynd“. Þarna finnst mér tveimur orðum gersamlega ofaukið: þá og sem.

Maður gæti haldið að í hópi þeirra sem skrifa fréttir mbl.is sé fólk sem ekki hefur íslensku að móðurmáli. Kannski er það svo, en það verður samt að gera lágmarks kröfur til málfærni þess.

 

Saga stjórnmálamanns um heimsókn í vændishús veldur fjaðrafoki

Athugasemdir

[Helga Guðrún Eiríksdóttir, 19.9.2008 kl. 14:08]

Kannski hefur gamli graddinn bara gert það svo margoft í þetta "fyrsta sinn" að það réttlætti að segja hann hafa stundað það. Sprækir þessir spánverjar!

[Helga Guðrún Eiríksdóttir, 19.9.2008 kl. 14:10]

Spánverjar - með stórum staf sko! Ekki má nú gera lítið úr svona mikilmennum.

[Sigurður Hreiðar, 19.9.2008 kl. 14:38]

Halló, Helga Guðrún -- ætli verði ekki lokað á mig eins og þig fyrir svona aðfinnslur?

[Helga Guðrún Eiríksdóttir, 19.9.2008 kl. 14:57]

Fyrirgefðu, Sigurður minn heheh, ég bara gat ekki stillt mig þarna.. ég skal reyna að hringa upp púkaskottið.  Það er engu að treysta þegar umvöndunarsinnar mbl.is eru annars vegar, eins og dæmin sanna. En þú átt nú alltaf í önnur hús að venda, kæmi til þeirra óskapa...

Athugasemdir undirritaðrar eru alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

[Sigurður Hreiðar, 19.9.2008 kl. 15:49]

Ég er ekki viss um að málvöndunarsinnar eins og ég séu heldur vel séðir!

[Helga Guðrún Eiríksdóttir, 19.9.2008 kl. 16:00]

Þegar fréttalesarar eru farnir að tala um Myglubrauðina (Miklubrautina) og maður les varla svo frétt að hún sé ekki full af ambögum þá held ég að full þörf sé á málvöndunarsinnum.

[Bjarni Baukur, 19.9.2008 kl. 16:52]

Takk Helga Guðrún fyrir þetta. Leifur Hauksson á Rás eitt spurði sport-kafara: „..er ekki skemmtilegra að kafa á erlendri grundu ?"

En að stunda kynlíf er líka spurningin að gera það einn eða með öðrum!

Þetta ku vera alvanalegt þarna í suður evrópu að ungir karlar æfi sig í kynlífi (!) á vændishúsum. Vændiskonurnar kenna piltunum hvernig þeir eigi að bera sig til við „do do-ið" og þeir fá að þannig örlitla reynsl áður en þeir byja að stunda það reglulega.

[Villi Asgeirsson, 19.9.2008 kl. 19:32]

Enda mega kaþólikkarnir ekki stunda það fyrr en búið er að gifta sig. Þar er ekki um neinn reynsluakstur að ræða. En annars er ég sammála karlinum. Hafa kérlingarner ekki um neitt betra að tala. Gengur allt svona ofboðslega vel hjá þeim? Ef svo er, er hann að gera góða hluti í stjórnsýslunni og engin ástæða til að kvarta þótt hann hafi borgað fyrir drátt fyrir hátt í 40 árum síðan.