Eftir 1 ei aki N1

Athyglisvert viðtal í Blaðinu í dag, við eiganda bílsins sem lenti í árekstri við hús í Vesturbænum.

Hann sýnir ábyrgðartilfinningu með því að vilja ekki keyra eftir að hafa bragðað áfengi. Eftir 1 ei aki N1, segir vígorðið. En hann áttar sig ekki á því að ekki eru allir til aksturs hæfir þó edrú séu og hafi kannski ökuskírteini og fellur á mikilvægu grundvallaratriði: ekki trúa neinum fyrir bíl sem þú hefur enga forsendu til að vita að sé þeim vanda vaxinn.

Viðbótarskýringu á þessu slysi er að finna í fréttinni, þar sem gerðar bílsins er getið. Þetta er bíll með gífurlega vélarorku miðað við afl en kannski ekki aksturseiginleika í hlutfalli við það. Minnir mig á það sem piltur um tvítugt sagði, þegar hann hafði skroppið bæjarleið á svona bíl. Hann var frekar fámáll þegar hann kom til baka og þegar hann var spurður hvort eitthvað hefði komið upp á svaraði hann: „Nei, það er allt í lagi, en þetta er algjör stauravefjari!“