Ekki niðurfelling, bara leiðrétting

Ekkert er  mér í nöp við þá Björgólfa umfram aðra menn sem fóru offari í græðginni meðan kostur var. Og kannski aðeins lengur. En mér finnst fásinna að þeim verði gefnir eftir milljarðar bara si svona.

Á meðan ungar fjölskyldur sem létu ginnast af sannfæringarmætti púkanna sem allir björgólfarnir höfðu í þjónustu sinni, hvar í banka sem þeir stóðu, eru einfaldlega að óska eftir leiðréttingu sinna mála.  Að sú upphæð sem þær fengu að láni í íslenskum krónum verði látin gilda en ekki einhver ímynduð upphæð miðuð við gjaldmiðil annarra landa. En á þetta fólk er því miður ekki hlustað. Ennþá.

Þar er samt ekki verið að tala um niðurfellingu skulda eða eftirgjöf, aðeins sanngjarna leiðréttingu.

Athugasemdir

[Finnur Bárðarson, 8.7.2009 kl. 18:14]

Hæðnin klikkar ekki hjá þér Sigurður :)

[NEYTANDI (IP-tala skráð) 8.7.2009 kl. 20:10]

Góðar athugasemdir Sigurður !  Ég er einn af þeim sem lét "ginnast" af erlendri lántöku en finnst það samt sem áður  skammarorð lýsandi því að þeir sem tóku erlend lán ættu að hafa getað gert okkur í hugarlund að "svona" gæti farið.  Þannig hefur verið oft rætt um þá sem tóku erlend lán.  Í sögulegu samhengi var hagræði fólgið í erlendri lántöku og þannig var ákvörðun tekin tel ég hjá flestum.

Er einmitt staddur í Danmörku þessa stundina og hverjum hefði getað nokkrum tíma getað látið sér detta það í hug að íslenskan krónan gæti hrunið með þessum hætti  ???  Þannig efast ég um að nokkurn mann hefði látið sér detta  í hug:

Að mjólkurlítrinn í Danmörku yrði tvöfalt dýrari en á Íslandi ?? 

Bjórglas á veitingastað væri 50% dýrara en Íslandi ??

Ís í brauðformi gæti kostað 650 - 700 íslenskar krónur í Danmörku ??

Svona gæti ég lengi talið en þetta er staðreyndin.  Óraunverulegt og í raun hálfhlægilegt ! 

Útfrá þessum dæmum sem ég nefni þurfa menn að spyrja sig, verður Ísland láglaunaland V-Evrópu til langs tíma ?

Hvar ætla menn að staðsetja íslenska krónuna ?

Ein hugmynd sem ég heyrði um daginn var sú að festa gengisvísitöluna í einhverju viðmiði fyrir hrun (t.d. 130) og láta lántakanda taka 1/3 af mismun og lánveitanda 2/3 af mismun.  Hvort sem þessi lausn er valin eður ei þá þarf einhver lausn að koma fram !

[P.Valdimar Guðjónsson, 9.7.2009 kl. 10:25]

Síðasta línan hjá þér Sigurður er það sem þetta snýst um gagnvart almenningi. Vel orðað.

En að við þurfum að dæla fjármagni á skaðræðisvöxtum áfram inn í þessi nýju bankafyrirbæri skil ég ekki.  Þeir nálgast 0%  í Svíþjóð svo dæmi sé tekið.

Ef lafhræðslan við krónubréfin er enn ástæðan, þá á ríkið bara að bjóða eigendum þeirra sérkjör.    Þessi krónubréf eru hvort eð er ekkert lengur hist og her útum íslenska "fjármalakerfið".    Það er ekki til lengur.  Svo það ætti ekki að vera flókið að semja.

Ríkið á þetta allt.  Frá Smáralind til Sjóvár.