Persónugerfingur Jógrímu

Í bloggi mínu í gær fjallaði ég um skilningsleysi núverandi ríkisstjórnar eða skeytingarleysi um unga fasteignakaupendur sem ekki er einu sinni reynt að koma til móts við og sýna sanngirni. Þónokkrir urðu til að senda athugasemdir við þetta blogg en því miður flestir á þann hátt að það getur ekki orðið umræðunni til framdráttar og er heldur þeim sjálfum til vansa, ef nokkuð er.

Sá misskilningur virðist á ferðinni að ég hafi sérstaklega verið að veitast að Árna Páli sem einstaklingi. Það er ekki svo, heldur heldur varð hann hér persónugerfingur Jógrímu (ríkisstjórnarinnar sem nú situr) út frá uppleggi Staksteina í gær. Ég efast um að nefndur Árni Páll sé betri eða verri en summan af þeirri ríkisstjórn, sem kýs að setja kíkinn fyrir blinda augað þegar kemur að ólánum heimilanna.

Besta innleggið í athugasemdunum kom frá nafna mínum Þórðarsyni á þessa leið:

Það vill nú bara þannig til í þessu landi að ungt fólk sem hyggst stofna fjölskyldu og koma yfir sig þaki kemst ekki hjá því að taka lán.  Þeir sem voru svo óheppnir að gera það á s.l. 4 árum eiga meira en algert eignaleysi í vændum.  Þeir þurfa í kjölfar aukinnar greiðslubyrði að auka ráðstöfunartekjur sínar og það ekki lítið.  Og hvernig fara þeir að því,  jú með aukinni vinnu. Og hvar fæst hún í dag? 

Og hverjir líða svo allra mest, jú börn þessa unga fólks sem aldrei er heima vegna vinnu.

Við þetta er aðeins því að bæta að ég skil vel að þeim sem tóku 20 milljón króna lán upp í fasteign sem keypt var á 32 milljónir eftir ráðleggingu bestu manna (þess tíma) og að undangengnu greiðslumati sem viðkomandi lánastofnun tók gilt, hrjósi hugur því því að endurgreiða það lán með 50 milljónum -- þar af kannski síðustu 25 milljónunum löngu eftir að langri ævi er lokið (sbr. „greiðsluaðlögun“).

 

 

Athugasemdir

[bubbi (IP-tala skráð) 28.5.2009 kl. 14:10]

því miður er þetta orðið þannig hér í bloggheimum að fólk kann ekki að tjá sig hef ég eftir því ef þú talar ekki fallega um þessa ríkistjórn þá flæðir einhver óhroði

úr munnum flestra því miður

kv P.S. Árni Páll er góður vinur minn en hann er því miður í Ríkistjórn er hefur líst yfir hernaði á heimili landsins

[Anna Sigríður Guðmundsdóttir, 28.5.2009 kl. 19:16]

Er sammála Sigurður Heiðar. Börnin mega ekki blæða fyrir óstjórn. þau eru einu alvöru auðæfin, bara að við gætum orðið sammála um það allir íslendingar.

Held að eina lausnin sé lækkun vaxta og verðbóta og auknar fiskveiðar eins og forfeður okkar björguðu erviðum málum. þannig björgum við mestu á sem minnstum tíma.

þetta unga fólk hefur illilega verið svikið og rænt og afleiðingarnar bitna á börnunum. Hræðilegt og býður uppá sundrung fjölskyldna og andlegt niðurbrot.

LÍÚ er glæpamafía sem hefur sett okkur öll á Íslandi í þessa hryllilegu stöðu og standa svo hjá og hafa gaman af þegar verið er að mótmæla hverri stjórninni á fætur annari.

Nú verður að lækka skatta og afnema verðtryggingu. Á fyrsta degi eftir svona aðgerð fara hjólin að snúast í rétta átt en ég er ekki menntakona svo líklega má ekki hlusta of mikið á mig.

það yrði að undirbúa fólk undir að það gæti orðið smá skortur í smá tíma en ekkert í líkingu við það sem mun koma ef þetta verður ekki gert þetta er einungis mín skoðun.

[Þorsteinn Helgi Steinarsson, 9.6.2009 kl. 17:44]

Jóhanna segir vandann ýktan. Staða heimilanna sé bara alls ekki svo slæm. Hún segir líka að Ísland muni uppfylla Maastricht skilyrðin þegar þar að kemur til að taka upp evru, ekkert sé sjálfsagðara. Bara þarf að gagna í ESB. Hér verður þá allt í allra besta lagi.

Hvers vegna?

Af því bara!