Gredda olíufélaganna

Sá smáklausu djúpt inni í Mogga í morgun að eldsneytisverðið hefði lækkað um svo sem túkall einhvern tíma seint í gær. Svo seint að það var ekki komið inn á heimasíður amk. Ób og Atlantsolíu um það leyti sem ég setti inn blogg í gær um eldsneytisverð.

Nú þegar þetta er skrifað er olíutunnan í $ 124,44 skv. CNN, en samkvæmt Landsbankanum er gengið enn að síga svo við getum víst ekki vænst þess að eldsneytið lækki meira en um túkallinn í bili.

En mér finnst gredda olíufélaganna í að hækka eldsneytisverðið á augabragði eftir öllum hugsanlegum forsendum svo svívirðileg, ekki síst miðað við tregðu þeirra að lækka aftur þegar þessar hugsanlegu forsendur færast í þá átt, að

ég legg til

að dagblöðin öll hafi sérstakan daglegan ramma á útsíðu, já, forsíðu þess vegna, þar sem tilgreint er heimsmarkaðsverð á olíutunnu t.d. kl. 21 kvöldið áður, ásamt því verði sem olíufélögin tilgreina sem verð á sjálfsafgreiðslu frá dælu á sama tíma.

Athugasemdir

[Ármannsson (IP-tala skráð) 24.7.2008 kl. 13:57]

Annað sem þú ættir að pæla í er.

AO sem fylgir þeim stóru endalaust eftir í verðum en eru EKKI ódýrastir.

Hjá AO vinna 15 manns ( samkvæmt heimasíðu þeirra ) og þeir eru með ómannaðar stöðvar,  sagt er að þeir hafi 10% markaðshlutdeild, samanborið við þá stóru sem samtals veita líklega yfir 1000 manns vinnu þarna er ólíku saman að jafna og rekstrarkostnaður AO í engu samræmi við verðlagningu þeirra.

Þetta eru " góðu karlarnir " allavega vilja þeir að við álítum það.

Þeir sofna líklega skellihlæjandi og vakna skellihlæjandi yfir okkur sauðsvörtum almúganum.

Ættum við ekki að beina spjótum okkar að AO. ?

[Sigurður Hreiðar, 24.7.2008 kl. 16:16]

Ef þú hefur lesið það sem ég hef áður bloggað um málið, Ármannsson, manstu kannski að ég hef bent fólki á að fylgjast einkum með ÓB. Það er vegna þess að mér eins og þér finnst Atlantsolía hafa brugðist okkur. En þegar ég gái að verðinu á netinu er gott að fylgjast með AO líka.

[Tryggvi Bjarnason (IP-tala skráð) 25.7.2008 kl. 00:40]

Láttu þig ekki dreyma að stjórnarformaðurinn hjá N1 Bjarni Benediktson Alþingismaður xD fari að auglýsa verðið á forsíðu blað síns Mogga, þetta er einkennilegur reikniskúnstir sem Oliufélögin nota, líklega eru þau með mjög gamla PC tölvu árgerð 1990 að reikna út lækkun, en svo tölvu 4GB árg 2008 að reikna út hækkanir, þessvegna er gamla tölvan svona lengi að vinna því hún er ekki nema 300MB (0,3 GB) og er viku að reikna út það sem hin gerir á nokkrum mínútum, það er komin tími á það að rannsaka þetta ferli, ef einhver fer ekki að kæra þetta mál og það þá sérstaklega atvinnurekandi sem er háður þessum and....

[Armannsson (IP-tala skráð) 25.7.2008 kl. 09:28]

Sæll aftur.

Nú er Orkan í eigu Skeljungs og EGO í eingu N1, Orkan hefur gefið það út og reyndar staðið við að vera alltaf með lægsta verðið ( ódýrari en AO ) og eg held að EGO sé alltaf a´sama verði og AO.

Það sem er mest svekkjandi við þetta er að AO ætti samkvæmt öllum forsemdum að geta verið með lægsta verðið og veitt þar með hionum stóru gríðarlegt aðhald og í raun stýrt verðinu á þessum vörum hér á landi.

En það gera þeir ekki þeir eru svo uppteknir að græða pening og láta alla neikvæðu umfjöllunina vera um hina stóru og baða sig svo í einhverjum litlu karla ljóma ern eru í raun skúrkar þessa máls.

Ein spurning að lokum: veit einhver hver á AO í raun.

[Sigurður Hreiðar, 25.7.2008 kl. 10:27]

Tryggvi: ég ætlast ekki til að olíufélögin auglýsi verð sitt á forsíðu Mogga né á öðrum síðum þess blaðs sérstaklega, heldur ætlast ég til að blöðin vinni þetta sjálf sem frétt og sem þjónustu við lesendur sína.

Ármannsson -- ég sá reyndar einhvers staðar um daginn -- getur það hafa verið á Selfossi? að Orkan var ekki sínum venjulegu 10 aurum ódýrari. En því miður er ég talsvert sammála þér um Atlantsolíu og að hún hafi brugðist okkur neytendum og þar með sjálfri sér. -- Nei, hver ætli eigi þetta fyrirbæri, annars?

[Tryggvi Bjarnason (IP-tala skráð) 25.7.2008 kl. 11:04]

er það ekki OLIUDREYFING  sem á orðið AO

OLIUDREYFING = OLIS og N1

skil ekki enn í dag hvernig þetta leyfist að þetta samráð skuli enn vera í gangi að 2 OLIUFÉLÖGIN meigi hafa svona mikil samráð eins og dreyfingu, samt er þetta ekkert ódýrar hjá þeim eldsneytið  eins og lofað var vegna þessa, eins og ætla mætti samkvæmt leyfi frá samkeppnisráði að þetta myndi gera þjónustuna ódýrari, en gerir það ekki, þeir græða bara meira svo einfalt er það, þetta á að stoppa strax....

jamm Sigurður sammála því að blöðin ættu að standa sig betur í þessum efnum og vera með eldsneytisverð á vissum stað eins og td gengið, en er ansi hræddur um það verði ekki vegna stjórnarformannsins hjá N1 Bjarna Ben  XD og svo hjá Skeljungi fyrirtækis BAUGS láti ekki sýna það í FRÉTTABLAÐINU , menn vilja ekki vera með þetta á borðinu til að sýna réttu hreyfinguna og fela hana svo hækkanirnar verði ekki gagnrýndar, þetta er bara herber glæpastarfsemi MAFIA í þessum geira....

[armannsson (IP-tala skráð) 25.7.2008 kl. 11:18]

Sælir aftur.

Það er klárt að Olíudreyfing á ekki AO svo mikið er ljóst en vangaveltur um hver í raun á AO hafa staðið yfir lengi en ekkert komið í ljós þar.

Sammála um að menn eru skrambi fljótir að hækka og að það sama gildir ekki um lækkanir.

Vonandi verður aftur 5 Kr. tilboð um helgina hjá þeim.

Maður hefur líka verið að pæla í því hvernig annar rekstur myndi bregðast vi álíkri umfjöllun og þessi félög eru að fá t.d. tryggingafélög eða matvöruverslanir.

 Eg er viss um að fólk sem vinnur hjá þessum félögum finnst ekkert gaman að þessu en jú það á sitt lífsviðurværi af þessu.

Annað sem við verðum að hafa í huga er að fyrirtæki þurfa að hafa hagnað af rekstri sínum til að geta rekið sig hve mikill er mismunandi, en eitt er ljóst að AO hagnast meira en önnur félög og hefur gert í langan tíma.