Hræðilegur minningareldsvoði

Ætli orðabók sé ekki til á mbl.is? Hvernig væri að gá hvað eldsvoði þýðir? Svona minningareldsvoði hlýtur að vera hræðilegur innri eldur -- nema þessi eilífi kyndill varð náttúrlega (ekki náttúrUlega) að eldsvoða þegar búið var að kasta meðvitundarlausum 25 ára karlmanni á hann nærri Vladimir.

P.S. ég held að orðabækur fáist líka í tölvutæku formi. Texti eins og þessi frétt ber það með sér að ritari hans er ekki víðlesinn og líklega ekki mikill bókaormur.

Unglingspiltar dæmdir fyrir manndráp

Athugasemdir

[Anna Ólafsdóttir Björnsson, 23.6.2008 kl. 22:57]

Æi, þetta er frekar vondur texti í blaðinu og ég er ekki einu sinni viss um að orðabækur gætu lappað upp á kauðskt orðalag sem er ekki beinlínis rangt en finnst í textanum, og þá er ég ekki að tala um eldinn til minningar ... eitthvað!

[Aðalheiður Ámundadóttir, 24.6.2008 kl. 09:51]

Já þú segir nokkuð. Þú átt við að fórnarlambið hafi orsakað eldsvoða og það sé átt við það í fréttinni... Ja undarleg er hún, líkt og margar aðrar um þessar mundir, svo ekki sé meira sagt!