Tala hefur lítið gildi nema henni sé gefið viðmið

Vissulega er þetta sorglegt. En hér vantar samanburð: Hve margir eru þetta pr. mannfjölda að meðaltali? Hve margir fórust jafnlangt tímabil á undan?

Einnig: Hve margir létust í öðru vísi slysum? Hrapi? Hestamennskuslysum? Flugslysum? Sjóslysum?

Tala ein og sér hefur lítil gildi nema henni sé gefið viðmið.

916 látnir í umferðinni á 40 árum

Athugasemdir

[Baldur Kristjánsson, 28.5.2008 kl. 22:58]

Já, en þetta eru nú samt sorglega margir.  kv. B

[Sigurður Hreiðar, 29.5.2008 kl. 09:13]

Rétt er það, Baldur minn góður, eins og ég lagði áherslu á hér í inngangi. En það sem mér finnst oft gleymast er að banaslys í umferðinni hófust ekki með umferð bíla á Íslandi. Menn fórust fyrir þann tíma af ýmsum ástæðum, eins og ég tæpti nokkuð á í bók minni Saga bílsins á Íslandi 1904-2004 -- sem að sumu leyti er drög að samgöngusögu landsins. En þetta virðist allt gleymast og slys og óhöpp fastlega tileinkum bílnum, fremur en þeirri áráttu mannsins að vilja færa sig milli staða.

[Guðjón Sigþór Jensson, 29.5.2008 kl. 09:38]

Eins og fyllibytturnar komu óorði á brennivínið á sínum tíma (og gera sjálfsagt enn) þá hafa ökufantarnir komið óorði á bílinn. Alla hluti er auðvitað unnt að misnota. Bíll sem skemmtitæki er alltaf mjög umdeilt og mjög mörg slys verða einmitt þegar bíllinn er notaður á þann hátt og þá sérstaklega hraðaaksturs.

Sjálfur nota eg bíl fyrst og fremst sem samgöngutæki til að komast milli staða. Þá nota eg bílinn til að auðvelda flutninga. Eina bílinn sem eg hef átt um ævina keypti eg nær 50 ára gamall, fyrir 6 árum, og á enn, Toyota Corolla Touring 1997 árgerð. Mér er alltaf minnisstætt þegar eg var að leita mér að notuðum velmeðförnum bíl fyrir 6 árum síðan. Hann átti að hafa einn góðan praktískan eiginleika: dráttarkrók til að hengja kerru aftan í! Mér var alveg sama hvaða tegund hann væri, aðeins að hann væri ekki mjög eyðslusamur og hann rúmaði vel vísitölufjölskylduna með öllu nauðsynlegu hafurtaski þegar farið væri í ferðalög. Annars er alveg ótrúlegt hvað þessi gamli Rauður hefur flutt af ýmsu, kominn brátt á fermingaraldurinn: allt frá þessu venjulega í að flytja timbur, girðingaefni, gamla sundursagaða rafmagnsstaura, vélar og tæki, trjáplöntur ýmist stórar sem litlar. Og sjálfsagt mætti lengja þennan lista enn meir. Þessi bíll var fyrstu ár sín oftast inni í bílskúr norður á Akureyri og var aðallega notaður til að skreppa suður og til baka aftur. Sem sagt dekurbíll sem nú hefur þurft að púla meira með nýjum eiganda. Nú verður staðar numið.

Bestu kveðjur

Mosi

[Morten Lange, 4.6.2008 kl. 18:51]

Allgjörlega sammála þessu með að hafa viðmið.  

Breskar og bandarískar tölur benda til þess að hreyfingarleysi, sem að stórum hluta komi til vegna ofnotkun bíla (meðal annars vegna áhrif bíla-aldarinnar á skipulag þéttbylis),  drepi tíu sinnum fleiri en árekstrar og útafkeyrslu bíla.  Mengun úr bílum drepi svo fleiri en árekstrarnir í borgum eins og Stokkhólmi og í fjölda evrópskra borga, samkvæmt Alþjóða heilbrigðismálastofnun, WHO.