Femínismi með málfarsleg útbrot?

Tekið bíl í óleyfi og ekið henni um bæinn. Lögreglumenn veitti bílnum athygli þegar henni var ekið upp á kantstein.

Er þetta femínismi með málfarsleg útbrot?

14 ára ökumaður lenti í árekstri á Akureyri

Athugasemdir

[Runólfur (IP-tala skráð) 29.5.2008 kl. 19:17]

Það er talað um bílinn eins og hann sé skellinaðra

þá meina ég ekki málfarslega því skellinöðrur og vespur eru bara fyrir stelpur og kanski kvenlega stráka

[Sæmundur Bjarnason, 30.5.2008 kl. 03:01]

Ég held að þetta sé hvorki feminismi né málfarsleg útbrot. (Hvað sem það nú þýðir) Skýringin á ruglinu með málfarslega kynið held ég að sé einfaldlega sú, að upphaflega hafi staðið í fréttinni bifreið en ekki bíll. Síðan hafi bifreið verið breytt í bíl án þess að laga textann annars staðar. Það styður líka þessa kenningu að textinn er allur fremur hroðvirknislegur.

[Sigurður Hreiðar, 30.5.2008 kl. 10:03]

Þóttist nú reyndar vita þegar ég skrifaði klausuna hvernig þetta var í pottinn búið. Afskaplega óvandað og flausturslegt (efast um að „ritari" fréttarinnar skilji þetta síðasa orð).

Jú, Vilhjálmur, þetta er eiginlega versta gerð af kranablaðamennsku. Stundum líka kallað í daglegu tali „koppí peist" og gerir okkur gömlum úr faginu gramt í geði.

[Haraldur Bjarnason, 30.5.2008 kl. 16:34]

Þetta er gott dæmi um það lélega málfar sem er á mörgum fréttum á vefmiðlum. Ekki er það nú betra á lögregluvefnum og að taka orðrétt upp af þeim vef er örugg ávísun á einhverja vitleysu.