Kjallarar Austurríkis

Er ekki ástæða fyrir Austurríkismenn að senda lið til að skoða alla sína kjallara? Þar virðist ýmislegt fara fram sem ekki þolir dagsbirtuna.
Hver segir að þetta hafi verið eini kjallarinn sem Josef Fritzl hefur á samviskunni? Er ekki til í dæminu að hann hafi haft þá fleiri í takinu - hann virðist jú hafa verið fær í að innrétta hljóðeinangrað með rafstýrðum læsingum og allt þvílíkt af mikilli list. - Á hann fleiri neðanjarðarfjölskyldur sem nú eru að verða kviksetningu að bráð þegar hann kemst ekki til að færa þeim lífsbjörgina?
Þessi óhugnaður tekur flestum skáldsögum fram. Og ítarlegar lýsingarnar eiga ábyggilega eftir að gefa fleiri siðblindingjum „blod på tanden“ með að feta í fótspor illvirkjans.

Josef Fritzl grunaður um morð

Athugasemdir

[Þórður Guðmundsson (IP-tala skráð) 1.5.2008 kl. 11:14]

 Sæll Sigurður. 

Það var víst svo með þennan kjallara að hann var búinn til undir lok áttunda áratugarins sem neðanjarðarbyrgi. Margir bjuggu til svona byrgi til þess að hlaupa niður í ef til kjarnorkustríðs skyldi koma enda var jú kalda stríðinu enn ekki lokið. Svo ákveður þessi maður að nota staðinn í öðrum tilgangi. Mér finnst ólíklegt að hann hafi haft aðgang að öðrum slíkum stöðum. Hver veit hins vegar hvort að aðrir álíka misyndismenn hafi fengið sömu hugmynd... 

 Kveðja, Þórður

[ELIAS (IP-tala skráð) 1.5.2008 kl. 13:01]

Hann á víst fjölda fasteigna víða í landinu

[Guðjón Sigþór Jensson, 1.5.2008 kl. 19:08]

Ætli séu ekki fleiri spurningum ósvarað en svarað varðandi þetta mál? Hvernig getur það verið að þessar manneskjur létu þar við sitja að vera þara í þessu byrgi? Hefur þeim aldrei dottið í hug að gera uppreisn og yfirbuga þennan grimma og siðlausa nautnasegg? Þessi dóttir hans virðist vera mjög kúguð og hvernig mátti allt þetta eiga sér stað?

Hvað ef þessi faðir og afi allra þessara ógæfusömu manneskja hefði „gleymt“ þeim hvort sem er vegna ásetnings eða kannski elliglapa? Eða e-ð hefði komið fyrir hann? Var einhver undankomuleið? Allt þetta er hið undarlegasta mál. Meira að segja nágrannarnir, jafnvel í sama húsi grunaði ekkert misjafnt. Þetta er nánast ótrúlegt. Nú hefur misgjörningsmaðurinn komið reglulega með mun meira af innkaupavarningi í húsið en þörf var fyrir. Og svo hefur þurft að fara með sorpið. Voru aldrei minnstu grunsemdir að e-ð væri óeðlilegt?

Það getur verið nokkuð spennandi að setja sig í spor rannsóknarlögreglumannsins en það er auðvitað önnur saga.

Bestu kveðjur

Mosi