Koppurinn minn er kominn í tvennt

Löngum hefur mér lífið kennt / að líða, þrá, og missa. / Koppurinn minn er kominn í tvennt / hvar á ég nú að pissa?

Svo kvað Steingrímur Arason forðum og þessi boðskapur er enn í fullu gildi þó koppurinn sé í sjálfu sér orðinn táknrænn.

Ég hef fulla samúð með þessu fólki. Auðvitað á fyrst að koma upp fyrir það pissaðstöðu og sekta það svo, ef það heldur áfram að spræna á almannafæri.

Eða -- eiga sektirnar að koma fyrst, til að eiga fyrir mígildinu?

Drukkið fólk hefur pissað fyrir tvær milljónir

Athugasemdir

[Ómar Ragnarsson, 31.10.2007 kl. 21:47]

Míg þú manna heilastur, - afsakið, mæl þú manna heilastur!

[Jóhann Zoega (IP-tala skráð) 11.11.2007 kl. 23:07]

Sæll komdu Sigurður Hreiðar.

Mikið er það hörmulegt hvernig komið er fyrir koppi þínum en þó sýnu hörmulegra að þú sét hættur að skrifa.  Þú ert einn af þeim fáu sem ég skoða reglulega bloggið hjá þar sem þú ert gjarnan að fjalla um hluti sem ég hef áhuga á.  Hentu nú koppnum og farðu að skrifa.

Jóhann Zoega

Norðfirði.

[Sigurður Hreiðar, 12.11.2007 kl. 07:51]

Ekki er ég hættur, Jóhann minn góður, en sumir taka sér frí stundum, viljandi eða óviljandi.

Þannig hyggst ég hafa það áfram og því má vænta þess að gloppur komu í misgáfuleg skrif mín á þessum vettvangi.

En þakka fyrir falleg orð.