Tittlingaskítur

Það er eiginlega ekki alveg normalt hvað mbl.is leitar uppi allt sem hægt er að gera til að ófrægja Iceland Express (sem ég kýs raunar að kalla Iceland Compress miðað við þrengsli milli sætaraða). Eða hvað þolinmæði fólks gagnvart óvæntum uppákomum er gersamlega komin niður í núll. Ég hélt nú að „eldri borgarar“ ættu kannski margir hverjir að muna tímana tvenna í lélegri þjónustu í flugi. Í sjálfu sér sýnist mér hér sé einkum verið að tala um tittlingaskít. En gremst að blaðafulltrúinn skuli leyfa sér að tala um IE sem flugfélag. Treystir hann sér til að standa við það?

Óánægja með tafir hjá IE

Athugasemdir

[Birgir Gudjonsson (IP-tala skráð) 25.9.2011 kl. 17:42]

það er svosem ekkert skrítið að fjölmiðlar leiti uppi slæmar fréttir af IE

Það gerir eignarhaldið ! Einn lærisveinn Jóns Ásgeirs mala þarna gull í skóli "samkeppni"

Það fljúga það mörg flugfélög til og frá landinu, að IE gerir engan gæfumun þar.

Hitt er hinsvegar alveg óskiljanlegt, af hverju eru svon mörg atvik sem ske hjá IE ? ( og ekki segja að það sé eins hjá Icelandair.)

[Sigurður Hreiðar, 25.9.2011 kl. 18:36]

Ég segi ekki að það sé eins hjá Icelandair, en ég held að miðað við aðra ferðamiðlara og jafnvel flugfélög sé þetta ekki einsdæmi með Iceland Compress. Ég hef meðal annars lent í „atviki“ hjá Lufthansa sem hefði þótt krassandi í íslenskum fjölmiðlum hefði Iceland Compress átt í hlut.

Ég tel ekkert óskiljanlegt við þetta, að „svon mörg atvik sem ske hjá IE“. Það er af því alls konar tittlingaskítur, eins og þetta dæmi frá Írlandi, er magnað upp eins og eitthvað merkilegt -- og svívirðilegt.

[Axel Óli (IP-tala skráð) 25.9.2011 kl. 19:55]

Sæll Sigurður,

Ef þú hefðir ferðast meira með Iceland Express vissir þú að það er íslenskum neytendum til mikils skaða að þetta félag fái að fljúga til landsins. Svo slæm er mín reynsla af viðskiptum við þá að ég leyfi mér að kveða svo sterkt.

Ég hef mikið ferðast með þeim, margoft sagt að það og það skiptið verði það síðasta en botninn tók úr þegar þeir rændu mig (borgaði yfir 150þús fyrir ferð fyrir einn, RVK-LONDON-RVK, ferðin átti að kosta 65þús) og svo hafa þeir ekki fyrir því að svara fyrirspurnum mínum og umkvörtunum.

Með kveðju...

[Sigurður Hreiðar, 26.9.2011 kl. 10:33]

Hvaða félag, Axel Óli? Þú ert vonandi ekki einn af þeim sem heldur að Iceland Express sé flugfélag?

Er ekki eitthvað bogið við þann sem borgar 150 þús. fyrir ferð sem á að kosta 65 þús.?