Aldrei minnst á guð?

Á sínum tíma var Andrés Önd bannaður í Finnlandi.

Hvers vegna?

Vegna þess að hann gengur ekki í buxum.

Hve margir reitir eru á Scrabble-borði?

225.

Á matsölustöðum McDonalds í tilteknu landi eru bökur seldar með apríkósufyllingu en ekki kirsuberjafyllingu. Hvaða land er þetta

Nýja-Sjáland.

Hvert eftirfarandi orða eru ekki úr orðasmiðju Jónasar Hallgrímssonar: aðdráttarafl, fjaðurmagnaður,

hitabelti, ljósvaki, sjónarhorn, sjónauki, sólmyrkvi, sporbaugur, vörtubaugur.

Vörtubaugur

Hvað heitir höfuðborgin í Burkína Fasó?

Ouagadougou.

 

Í hvaða bók biblíunnar er aldrei minnst á guð?

Esterarbók.

Ofanskráður fróðleikur er allur tekinn úr einhverju sem rak á netfjörur mínar á dögunum og heitir Fánýtur fróðleikur. Mér þykir ólíklegt að nokkur hafi lagt neitt af ofanskráðu á minnið. Enda er þetta í sannleika sagt fánýtur fróðleikur.

Engu að síður gætu allar þessar spurningar verið úr spurningakistu þeirri sem rótað er upp úr fyrir gáfnaljós landsins á hverju laugardagskvöldi í vetur eins og undanfarna vetur sem hin besta skemmtun fyrir beturvitringa sem sitja í hægindum heima og horfa á sjónvarp RUV. Þáttur sá heitir Útsvar og er - satt að segja - með skemmtilegasta innlenda efni þar á bæ.

Athugasemdir

[Guðmundur Júlíusson, 21.11.2009 kl. 00:57]

sæll

Getur þú látið mig fá adressuna á þessa síðu um "Fánýtann fróðleik" ég væri afar þakklátur  :)

kv

Guðm Júl

[Eygló, 21.11.2009 kl. 00:58]

Mér finnst mjög gaman að "fánýtum fróðleik" eins og þú birtir hérna. Ekki það að ég muni það stundinni lengur. En er á meðan er - eins og með sælgætið.

[Guðmundur Júlíusson, 21.11.2009 kl. 02:28]

Þú mátt senda adressuna [e-mail]

[Sigmar Þormar, 21.11.2009 kl. 09:07]

Þessi fróðleikur, líkt og spurningum um Jónas Hallgrímsson, er bara alls ekkert fánýtur.

[Hildur Helga Sigurðardóttir, 22.11.2009 kl. 03:59]

Svona "fánýtur fróðleikur" er einmitt til í tonnavís í höfðinu á mér -þar sem hann tekur eflaust allt pláss frá öðru og merkilegra...

Er svo sammála því að hann Ólafur B. Guðnason er öðrum mönnum lunknari við að semja spurningar -enda var hann í ritnefndinni minni við "...þetta helst" í Sjónvarpinu í þrjú ár.

[Guðjón Sigþór Jensson, 24.11.2009 kl. 18:24]

Alltaf gaman að lesa pistlana þína.

Sjálfur er Mosi stútfullur af einskisverðum fróðleik sem kemur sjálfsagt engum að gagni.

Mosi