Hvaða talíbanismi er þetta eiginlega?

Það er enginn tilgangur með lausu fé, segir dýralæknir fyrir vestan og vill láta drepa mjög sérstakan villifjárstofn á Vestfjörðum, landslög krefjist þess, segir hún.

Eflaust er það rétt að til sé lagabókstafur sem bannar lausagöngu sauðfjár. En hvaða talíbanismi er þetta eiginlega? Er ekki hægt að óska eftir undanþágu frá bókstafnum þegar annars vegar er dýrategund sem hefur fengið hálfa öld til að aðlaga sig strangri veðráttu á íslenskum fjöll? 

Og svo hitt: er þetta sauðfé í þeim hefðbundna skilningi að nefndur talíbanismi eigi við um það? Er þetta ekki ný tegund, sem vegna aðlögunar sinnar er komið út fyrir bókstafinn og er ekki lengur réttdræpt?

Hafa þessi dýr étið eitthvað frá öðrum svo skaði sé að? Stafar lífríki og náttúru einhver hætta af þeim?

Ég bið þeim eindregið griða -- megi þau fá að lifa og þróast á því harðsnúna landsvæði sem þau hafa h elgað sér.

Hvar eru nú náttúrverndarsamtök? Er ekki til eitthvert Amnesty National?

Athugasemdir

[Kristinn Pétursson, 28.10.2009 kl. 21:41]

Þetta er samkeppni í því hver er mesti sauðurinn

[Karl Tómasson, 28.10.2009 kl. 22:42]

Mikið hjartanlega er ég sammála þér ágæti vinur.

Mér var hugsað um þetta allan tíman á meðan ég horfði á þessa frétt í kvöld.

Bestu kveðjur úr Tungunni frá Kalla Tomm.

[Sigurður Grétar Guðmundsson, 29.10.2009 kl. 11:03]

Mér finnst að við öll á þessu landi eigum kröfu á því að fá að vita ástæður þess að sendur er her til að útrýma kindahjörð sem lifað hefur villt árum saman þarna fyrir vestan.

Ég endurtek: Við eigum öll kröfu á því að vita hvaða ástæða er til þessa hernaðar og útrýmingar, ef þarna getur fjárstofn lifað, hversvegna má hann ekki lifa?

Verður kannski næst ráðist gegn hreindýratofninum fyrir austan, ekki aðeins felld þessi 1300 dýr árlega, sem er nauðsyn til að halda stofninum í þeirri stærð að hann geti lifa sómasamlega á því sem landið gefur.

Ég varð mjög undrandi á því þegar ég komst að því að í firði einum nálægt Nuuk, höfuðborg Grænlands lifir villt kindahjörð. Þessi hjörð er afsprengi íslenskara kinda sem flutt voru til Grænlands. Þar í landi dettur engum í hug að útrýma stofninum. Árlega er gefið veiðileyfi á ákveðinn fjölda dýra til að halda stofninum í vissri stærð.

En ég vil fá að vita hver sé ástæðan fyrir hernaðinum fyrir vestan og hver hafi vald til að fyrirskipa hann.

[HP Foss, 29.10.2009 kl. 21:15]

Þetta er afar skrítið mál, menn viðrast keppast við að sannfæra landslýð um að þetta hafi orðið að hvarfa. Samt á ekki að drepa allar kindurnar? 
Þessar kindur voru ekki fyrir neinum og mér virðist þetta hafa varið algerlega ástæðulaust. Ég tala nú ekki um það að setja fjölda fólks í stórhættu við að eltast við þessar útigangskindur uppi í miðjum hlíðum.

Rætt er um mannúðarástæður.  Eru rollurnar orðnar mennskar?  Rugl frá upphafi til enda.