Freelotto! Hjálp! Hvað á ég að gera?

Nú glennti ég upp skjáina! Mér er tilkynnt, á íslensku og afar trúverðuglega útlítandi skjásíðu, að ég hafi unnið einhverja gommu af peningum í Freelotto!

Ég hef iðulega gegnum tíðina fengið allskonar gylliboð á ensku um að ég hafi unnið hitt og þetta og ég þurfi bara að senda bankanúmerið mitt og einhverja smáþóknum í umþóttunargjald, sosum eins og fáein hundruð dollara, til þess að heimta vinninginn minn.

Þess háttar tilkynningar hef ég jafnan sent til RLR og svo ekki vitað af þeim meir.

En nú þarf ég að klóra mér í hausnum. Ég er aðeins beðinn um heimilisfang og netfang til þess að hægt sé að hafa samband við mig og senda mér vinninginn. Og allt þetta á klára íslensku. Ég var bara að leita mér upplýsinga í gegnum Gúgul frænda á netinu þegar þetta boppaði allt í einu upp.

Og nú spyr ég: Er einhver þarna úti sem kannast við Freelotto? Varla er ég fyrsti Íslendingurinn sem fæ svona févænlega tilkynningu.

Hjálp! Hvað á ég að gera?

Athugasemdir

[Skúli Einarsson (IP-tala skráð) 20.10.2009 kl. 12:33]

Þú átt ekki að gera neitt, þér er óhætt að henda þessu, þetta er gylliboð um að spila frítt í lotto, en ef þú velur að taka þátt, þá færðu einn tíu raða seðil frítt en eftir það verður þú að borga með kreditkorti, þannig að þetta er ekki frítt.  Það borgar sig ekki að vera að taka svona gylliboði.  Þegar upp er staðið þá verður þetta bara kostnaður fyrir þig og þú gætir lent í því að fá reikninga fyrir einhverju sem hefur verið greitt með þínu kreditkorti.

[Ragnh H. (IP-tala skráð) 20.10.2009 kl. 15:06]

hallo 

af gefnu til efni  eg fekk svona lika , en eg ákvað að taka þatt og borga sem svarar 1900 kr á manuði fyrir  10 raðir i freelotto á MANUÐI   þAÐ ER TEKIÐ EINU SINNI I MANUÐI AF SER KORTI SEM EG LEGG INNA SJALF ekki þetta almenna  , og þetta er mikið ódyrara en lotto her á Islandi  . ÞAÐ KEMUR FRAM Á LISTA hja FREELOTTO að einn Islenskur maður , og það er mynd af h0onum nafn og heimilifang , se buin að vinna  storvinning hja FREELOTTO eina 10 þusund dolara  eða eitthvað mikið   EN ÞETTA GETUR MAÐUR ALLT LESIÐ UM ÞEGAR MAÐUR ER ORÐIN ÁSKRIFANDI       þÚ BARA PASSAR AÐ HAFA EKKI ALMENNA KORTIÐ ÞITT I ÞESSU HELDUR KORT SEM EKKERT VERÐUR INNA NEMA ÞÚ LEGGIR PRIVAT FYRIR ÞVI I HVERT SKIPTI !!!

[Anna Grétarsdóttir (IP-tala skráð) 20.10.2009 kl. 15:57]

þetta er tómt kjaftæði og peningaplokk, varð að hafa samband við Visa til að stoppa greiðslur

[ThoR-E, 20.10.2009 kl. 21:03]

Ehrm..

Það er góð byrjun að rifja upp hvort þú hafir tekið þátt í þessu lottói og keypt miða.

Ef ekki, er þetta plat.

Það gefur enginn peninga.

[Sæmundur Bjarnason, 21.10.2009 kl. 03:45]

Ekkert.
Kannski er hann bara að safna netföngum til að selja. Kannski fyllir hann pósthólfið þitt framvegis af einhverju auglýsingarusli. Kannski langar hann að selja þér lottómiða með 1% vinningsmöguleikum. Varla ætlar hann að gefa þér peninga.

[ViceRoy, 21.10.2009 kl. 08:30]

Þeir fá fólk til að skrá sig, þeir biðja um kreditkortanúmerið og þú tekur þátt... vinnur alltaf en þó svo litlar upphæðir að þú eyðir mun meira en þú græðir (ef mig minnir rétt eftir að lesið um þetta á netinu)

Þetta eru lítið annað en svikamylla frá Bandaríkjunum. Fyrir utan það að ef þú skráir þig þá færðu helling af ruslpósti svo þetta eru bara leiðindi í kringum þetta. 

[Sigurður Hreiðar, 21.10.2009 kl. 11:50]

Ágætu athugasemdagjafar

þóttist reyndar vita þetta en ákvað samt að vita hvort einhverjir mér fróðari væru ekki fáanlegir að miðla mér að þekkingu sinni og reynslu. Þakka ykkur öllum fyrir. En það sem fékk til að sperra burstir var einmitt það þarna var hvorki beðið um bankanúmer eða kortanúmer -- það hefði kannski komið á síðari stigum.

En nú er þetta komið til RLR og er þar með úr sögunni, ef ég þekki rétt.