Að leiðrétting sé kölluð leiðrétting

Mikið var -- og þó ekki víst hvernig á að taka þessari frétt og þessari nefndarskipun. En ég held að Kristrún hafi alla burði til að skilja til dæmis að umbreyting gengismiðaðra lána í hefðbundin krónulán verður að gerast í næsta nágrenni við þá tölu sem lánið var í upphafi og að leiðrétting til þess er leiðrétting en ekki niðurfelling skuldar, eins og blessaður félagsmálaráðherrann sagði t.d. í útvarpinu í gær. Dæmi: Gengislán upp á 20 milljónir tekið um þetta leyti árs 2007 stendur núna í 50 millum eða þar um bil. Er það niðurfelling skuldar að færa það aftur til upprunalegs horfs? -- Og -- var þessi gengisviðmiðun eðlileg -- og leyfileg -- af hálfu bankanna á sínum tíma?

Nú spretta örugglega fram prelátar og segja að menn geti sjálfum sér um kennt að taka svona lán. Kannski -- en geta þeir sömu prelátar sagt að það hafi verið rangt að fara eftir leiðbeiningum lánastofnananna sjálfra þar um?

Ég skora á þig, Kristrún, að beita þér fyrir því að hlutirnir séu kallaðir réttum nöfnum og leiðrétting sé kölluð leiðrétting en ekki niðurfelling.

Kristrún skipuð formaður

Athugasemdir

[Karl Tómasson, 6.8.2009 kl. 21:47]

Ágæti Sigurður.

Þetta er hárrétt ábending hjá þér og löngu tímabært að hún komi fram. Auðvitað á þetta að kallast leiðrétting og ekkert annað. 

Takk fyrir þetta Sigurður Hreiðar.

Bestu kveðjur frá Kalla Tomm úr Tungunni.

[Friðrik Dagur Arnarson, 7.8.2009 kl. 12:12]

Takk fyrir þessa ábendingu, sem hefði ekki átt að þurfa að koma með, en því miður er meira en nauðsynleg. Vonandi kemur eitthvað út úr þessu.