Á að endurreisa bankana á skuldaaukningu heimilanna?

3.6.2009 | 16:38

Á að endurreisa bankana á skuldaaukningu heimilanna?

Er þetta rétt hjá þessari góðu konu?

Er hún að tala um að endurreisa bankana á skuldum heimilanna, sem hafa meira en tvöfaldast að krónutölu við hrun gömlu bankanna?

Á að endurreisa bankana með því að láta heimilin endurgreiða lán upp á 20 milljónir með 50 milljónum?

Ég veit ekki nema tími Jóhönnu sé liðinn.

	Niðurfelling þýðir kollsteypu
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Facebook

Athugasemdir

heilög Jóhanna telur auðsjáanlega "þjóðina" vera fjármagnseigendur og fyrirtæki...

zappa (IP-tala skráð) 3.6.2009 kl. 16:45

Kom hennar tími nokkurn tíma?

Yngvi Högnason, 3.6.2009 kl. 16:50

"...skuldum heimilanna, sem hafa meira en tvöfaldast að krónutölu við hrun gömlu bankanna?"

Það gæti verið nærri lagi að skuldir heimila með gengistryggð lán hafi tvöfaldast að krónutölu. En það er ekki meirihluti heimila sem hefur slík lán, heldur afgerandi minnihluti. Ég er hér að tala um húsnæðislán. Bílalánin skipta miklu minna máli í þessu dæmi þar sem um er að ræða miklu lægri upphæðir í hverju tilfelli.

Það er tími áframhaldandi lántökubrjálæðis sem er liðinn, Sigurður.

Þorgeir Ragnarsson (IP-tala skráð) 3.6.2009 kl. 16:59

Það er merkilegt hvenig Þorgeir Ragnarsson lítur á málin. Hann virðist ekki átta sig á því að fjármögnunarfyrirtæki og bankar sem lánuðu þessi lán eru að taka til sín ranglega eignir almennings með þessari kollsteypu. Því ætti fjármagnseignandi banki eða fjármögnunarfyrirtæki sem lánar eina milljón fyrir ári að eiga kröfu á þann sem tók einar milljón kr. lán t.d. fyrir bíl að eiga 2,5 milljóna kröfu á viðkomandi einstakling í dag ári seinna, auk að vera líklega búinn að fá greitt af láninu í eitt ár ca kr. 350,000,- auk umsamdra vaxta ?

Vantar ekki eitthvað uppá hjá aðila sem finnst þetta sanngjörn millifærsla milli þessara aðila ?

Ég held það liggi í augum uppi.

Það er ekki spurning það á að bakka öllum lánum í erlendri mynt til lántökulags og umreikna þau til baka í íslenska mynt, bílalánin voru ekki gengislán heldur lán í íslenskum kr. Það er ekkert sem réttlætir þessa sjálftöku fjármagnseigenda af almenningi alveg sama hvort láni eru hærri eða lægri, íbúðarlán, bílalán eða önnur lán.

hreggviður (IP-tala skráð) 3.6.2009 kl. 17:49

Sumir -- eins og Þorgeir og Jóhanna -- virðast líta á það sem lántökubrjálæði að hafa tekið fasteignalán með gjaldeyrisviðmiði innan þeirra marka sem greiðslumat gaf tilefni til og eftir samhljóma ráðleggingum fjármálaráðgjafa. Brjálæðið er að mínu mati að halda áfram að berja hausnum við steininn og halda fast við bókstafinn þó forsendur séu nú allt aðrar en þegar greiðslumatið var gert og lánveitandinn mat veðið sem lagt var gegn láninu fullnægjandi.

Sigurður Hreiðar, 3.6.2009 kl. 19:40

Já Sigurður,

Áttir þú von á einhverju öðru?

itg (IP-tala skráð) 3.6.2009 kl. 21:40

Þessi staðreynd hefur legið fyrir í nokkurn tíma. Jóhanna segir að þetta sé ekkert mál það séu svo fáir sem fari á hausinn við þetta ... ennþá.

Innistæðueigendur töpuðu öllu við hrunið, en fengu það allt bætt nánast samstundis eða áður en þeir skildu hvað gerst hafði. Nú borgum við vaxtabætur ofan á bótaféð
Peningamarkaðssjóðseigendur töpuðu öllu sínu við hrunið, en fengu það 80% bætt og fá núna líka vaxtabætur ofan á bótaféð
Húsnæðiseigendur sem voru skuldugir töpuðu engu á hruninu beint, en eru núna látnir fjármagna hina tvo hópana og hafa margir tapað öllu sínu og meira til og ekkert lát á tapinu.

Dæmi: Maður átti 30 milljóna íbúð og skuldaði 10 milljónir verðtryggðar og 10 milljónir í jenum en átti 10 milljónir. Nú skuldar hann 12 verðtryggðar og 22 milljónir í jenum, eða samtals 33 milljónir. Ofan á þetta hefur húsnæðið lækkað um 20% og er núna 24 milljóna virði og atvinnutekjur hafa minkað og neysluvörur hækkað. Úr nettóeign upp á 10 milljónir og 33% eiginfjárhlutfall í nettóskuld upp á 10 milljónir.

Þetta er væntanlega allt í lagi enda maðurinn ekki dauður ennþá.

Þorsteinn Helgi Steinarsson, 4.6.2009 kl. 08:42

Já, brjálæðið er að bæta milljónum ofan á venjulegar skuldir fóllks þó það hafi ekkert verið með í eyðslu-vitleysunni. Það er svívirðilegra en orð fá lýst.

EE elle (IP-tala skráð) 7.6.2009 kl. 22:12