Voru gjaldeyrislánin greidd út í gjaldeyri?

Í fjármálaöngþveiti samtímans er ein spurning sem ég hef hvergi séð svarað.

Hún er um gjaldeyrislánin svokölluðu og gæti hljóðað eitthvað á þessa leið.

Voru gjaldeyrislánin greidd út í gjaldeyri? Eða var aðeins miðað við gengi þeirra gjaldmiðla sem gjaldeyrislánin hljóðuðu upp á og greidd út í íslenskum krónum?

Ef svarið er já er þá ekki í rauninni rán af hendi bankanna að halda genginu til streitu við gengishrunið?

Athugasemdir

[Guðjón A. (IP-tala skráð) 4.5.2009 kl. 22:57]

Já það væri fróðlegt að vita.

[Gunnar B Sigfússon (IP-tala skráð) 4.5.2009 kl. 22:57]

Sammála Sigurður.

Ég fékk mitt lán í krónum.

[Hólmsteinn (IP-tala skráð) 5.5.2009 kl. 00:54]

Þú óskaðir eftir einhverri upphæð í krónum, þú fékkst lánið afgreitt í krónum, þú fékkst greiðsluáætlun í krónum, allur kostnaður við lánið var greiddur í krónum. Ef þú skoðar greiðsluseðilinn þá er hann í krónum og uppreikningur og eftirstöðvar eru í krónum.

Fékkstu réttar upplýsingar þegar þú sóttir um lánið? Var þér gerð raunveruleg grein fyrir þeirri áhættu sem felst í að gengistryggja lán í íslenskum krónum? Var þér gert ljóst að þú værir að taka þátt í ólöglegu fjárhættuspili?

Bent er á að mikill vafi leikur á lögmæti gengistryggðra veðlána á grundvelli skýringa með 13. og 14. gr. laga nr. 38/2001 um vexti og verðbætur. Þar segir orðrétt: „Samkvæmt 13. gr. og 1. mgr. 14. gr. frumvarpsins verður ekki heimilt að binda skuldbindingar í íslenskum krónum við dagsgengi erlendra gjaldmiðla. Er talið rétt að taka af allan vafa þar að lútandi.“

Hefur þér dottið í hug að fara í bankann þinn og spyrja hvað þeim hafi gengið til gagnvart þér og hver sér afstaða þeirra þessa ólöglega athæfis.

Annars bendi ég ykkur á www.heimilin.is og hvet ykkur til að skrá ykkur í félagið.

Baráttukveðjur. "Fram til sigurs"