Skólaóhreysti

Var að horfa á skólahreysti með öðru auganu áðan. Gaman að sjá sum tilþrif þessara krakka en sumt af því sem þau eru látin gera óttast ég að eigi eftir að koma illa niður á þeim þegar þau komast upp í aldri. Finn til dæmis alveg gríðarlega til í vondu öxlinni með þessum krökkum sem eru pínd undir örmögnun í armlyftur eða hanga á slá.

Mér rann líka til rifja að sjá hve mikið af hvatningarspjöldum skólafélaganna var með áletrun á ensku. Það finnst mér gefa viðkomandi skólum vondan vitnisburð, svo ekki sé meira sagt.

Það að minnsta kosti er skólaóhreysti.

Athugasemdir

[Níels Steinar Jónsson, 1.5.2009 kl. 19:54]

Andrés á hrós skilið fyrir þetta framtak sitt.  Við viljum sjá meira af þessu. Ungu fólki er ekkert hollara en að hreyfa sig.

[Sigurður Hreiðar, 2.5.2009 kl. 13:22]

Enginn efi að ungum sem öldnum ef fátt hollara en að hreyfa sig -- rétt! En það er engum hollt, á hvaða aldri sem er, að misbjóða líkama sínum.

[Sigurður Þór Guðjónsson, 2.5.2009 kl. 19:47]

Þetta kemur hreysti þorra krakkanna ekkert við. Þetta er bara keppni - og allt í lagi með það svo sem.