Að hefna fyrir hefndina

Anginn litli, anginn minn, ég ætlaði að skjóta hann pabba þinn, segir í ljóðinu Slysaskot í Palestínu sem mig minnir að sé eftir Jóhannes úr Kötlum og ort um miðja öldina sem leið. Þar lætur hann breskan dáta (ég er breti, dagsins djarfi, dáti suðrí Palestínu -- allar tilvitnanir eftir minni því ég hef ljóðið ekki við hendina á prenti) yrkja þetta harmaljóð yfir líki lítillar stúlku sem hann skaut óvart í því stríði sem hann hafði verið rekinn í þarna í Botnalöndum meðan hernaðarveldin voru að hrifsa til sín land Palestínumanna til að gefa Gyðingum sjálfum sér til friðþægingar fyrir meðferðina á þeim í og kringum heimsstyrjöldina síðari.

Og enn eru þeir að skjóta fólk í misgripum fyrir annað fólk þarna austur frá. Sjaldnast það fólk sem hugsanlega ætti það skilið. Sama hvort það eru Palestínar eða Ísraelar. Í árdaga var einhver árás -- var það ekki þegar landið var tekið af Palesínumönnum til að gefa Gyðingum? -- sem síðan var hefnt fyrir og svo var hefnt fyrir hefndina og enn í dag er verið að því. Stöku sinni hefur verið látið í veðri vaka að nú væri lag að semja um frið milli Palestínanna sem með sínum hætti eru frumbyggjar þarna og Ísraelanna sem með sögulegum tengingum krefjast þess að vera taldir ennþá meiri frumbyggjar. En í hvert sinn sem hugsanlega hefur hyllt undir frið hafa einhverjir minnihlutahópar annars aðilans komið höggi á hinn og þá er óhjákvæmilegt að hefna fyrir það og svo þarf að hefna fyrir það á móti og svo hefna fyrir þá hefnd og aftur fyrir hana, hefna, hefna, hefna, hefna -- og aldrei verður rof á.

Með leyfi að spyrja: Er einhver raunverulegur friðarvilji hjá þessu fólki, öðru hvoru eða báðum?

Athugasemdir

[Hjálmtýr V Heiðdal, 29.12.2008 kl. 15:15]

Sæll Sigurður

Þeir sem græða mest á friði eru Palestínumenn. SÞ úthlutaði gyðingum 52% Palestínu við lítinn fögnuð heimamanna. Friðrvilja Palestínumanna má merkja á því að þeir hafa fallist á að halda aðeins 22% landsins.

En það er ekki hægt að semja við Síonistana - þeir vilja 100%. Þetta er málið í hnotskurn.

[P.Erl (IP-tala skráð) 29.12.2008 kl. 15:48]

Kvæðið er eftir Kristján frá Djúpalæk.

[Sigurður Kristjánsson (IP-tala skráð) 29.12.2008 kl. 15:57]

Sæll

Var þetta ekki Kristján frá Djúpalæk ?

Kveðja

S.K.

[Ruth Fjeldsted (IP-tala skráð) 29.12.2008 kl. 18:41]

Slysaskot í Palestínu

Lítil stúlka. Lítil stúlka.

Lítil svarteyg dökkhærð stúlka

liggur skotin.

Dimmrautt blóð í hrokknu hári.

Höfuðkúpan brotin.

Ég er Breti, dagsins djarfi

dáti, suður í Palestínu,

en er kvöldar klökkur, einn,

kútur lítill, mömmusveinn.

Mín synd er stór. Ó, systir mín.

Svarið get ég, feilskot var það.

Eins og hnífur hjartað skar það,

hjarta mitt, ó, systir mín,

fyrirgefðu, fyrirgefðu,

anginn litli, anginn minn.

Ég ætlaði að skjóta hann pabba þinn.

Kristján frá Djúpalæk.

Þetta er átakanlegt.

Ég er viss um að þetta  á við enn þann dag í dag og það er þó enn átakanlegra.

Kveðja í bæinn.

                             

                             

[Sigurður Hreiðar, 29.12.2008 kl. 22:10]

Takk fyrir þetta. Og ekki síst fyrir að nenna að skrifa upp allt kvæðið, Ruth. Hafa skal það sem sannara reynist, þekkti báða álíka mikið Kristján frá Djúpalæk og Jóhannes úr Kötlum en kannski ástæðulaust að rugla þeim saman -- þó með fyrirvara sé, eins og ég hafði þó vit á.

En þetta ljó er þannig að maður lærir ósjálfrátt glefsur úr því. Einu sinni held ég að ég hafi kunnað það allt.

Já, félagi Hjálmtýr. Það er gott að hægt er að nefna friðarvilja amk. annars aðilans í prósentum. 22% friðarvilji er skárra en ekkert. Svo virðist sem friðarvilji Ísraelsmanna sé 0%. Og ekki skánar það ef Netanjahú kemst til valda á ný.

[Þráinn (IP-tala skráð) 29.12.2008 kl. 23:00]

Einu sinni var ég eins og margir aðrir hér á landi heilaþveginn af einhverju rugli sem snerist um að réttlætismál væri að Gyðingar "ættu" sitt gamla land sem þeir hefðu verið reknir af.  Trúði því að með því að flytja "þjóðina heim aftur" væri hægt að leysa einhver vandamál.  Sannleikurinn er auðvitað ekki einfaldur.  Hann er það aldrei.  En Bretar bjuggu til nýtt vandamál með þessu, vandamál sem ógnar heimsfriði.  Hitler og hans nótar ofsóttu gyðinga af því að þeir réðu yfir fjármagninu og með því að leggja eignir þeirra undir sig gátu nasistar fjármagnað stríðsundirbúning sinn.  Og Bretar stofnuðu Ísraelsríki til að leysa gyðingavandamálið á sinn hátt. 

Um langa hríð hefur Ísraelsríki verið undir verndarvæng Bandaríkjamanna.  Bandarískir Gyðingar eru mjög valdamiklir og hafa stuðlað að uppbyggingu þessa smáríkis sem plantað var niður af Bretum í miðri Palestínu.  Ísrael ræður yfir kjarnorkusprengjum og hótar stöðugt að nota þær (ef "þörf" krefur).  Gyðingarnir hafa jafn og þétt stækkað ríki sitt með hervaldi og ætla sér að útrýma þeim sem áður bjuggu á þessu landsvæði.  Endalausir fundir og "friðarumleitanir" skila að sjálfsögðu engum árangri, því að brjálæðingarnir sem stjórna Ísrael og hafa verið þar við völd um áratuga skeið sjá bara eina "lausn á vandamálinu":  Drepum Palestínumenn !!  Þegar þeir eru allir dauðir þá er ekkert vandamál til staðar.

Þarna býr þjóð sem var hrakin frá heimilum sínum fyrir 60 árum og er upp á náð og miskunn umheimsins komin.  Margar kynslóðir hafa búið við kúgun herveldisins Ísraels í skjóli "vinaþjóðar" okkar Bandaríkjamanna.  Er ekki mál að linni?  Að mínu mati eru þessir brjálæðingar sem þarna stjórna ferðinni engu betri en nasistarnir sem drápu milljónir manna í seinni heimsstyrjöldinni.

[Sigurður Hreiðar, 29.12.2008 kl. 23:26]

Amen.

[Vilhjálmur Örn Vilhjálmsson, 30.12.2008 kl. 10:35]

Landið/ríkið Palestína var ekki til fyrir 1947. Ekki "gáfu" Bretar gyðingum landsvæði í "Palestínu" sér til friðþægingar. Bretar báru ekki ábyrgð á útrýmingarherferð Þjóðverja og fylgissveina þeirra, m.a. allmargra Íslendinga. Bretar gáfu aröbum vopn til að herja á gyðingana um leið og þeir yfirgáfu svæðið, enda voru arabarnir vanir því að njóta vinsemdar Breta á þann hátt, og margir þeirra styrktu líka herferð Hitlers og skósveina hans gegn gyðingum, 8 árum áður en Ísraelsríki varð til. Í dag heldur Hamas áfram herferðinni gegn gyðingum og hefur útrýmingu Ísraels og gyðinga á stefnuskrá sinni. Hamasmenn ala börn sín upp í að hata og drepa gyðinga, alveg eins og þýsku nasistarnir.

Hjálmtýr hér að ofan fer enn með rangt mál. 100% óþól Hamas við gyðingum er staðreynd. Hatur Palestínumanna á gyðingum sem búa á Vesturbakkanum er staðreynd. Þeir krefjast Apartheid, þ.e. alla gyðinga burt. En Palestínumenn lifa við meira frelsi og mannréttindi en bræður þeirrá í öllum nagrannaríkjum Ísraels.

Hverjir hafa myrt flesta Palestínumenn? Svarið er Jórdanir. Hver fordæmdi Jórdani fyrir það þjóðarmorð? SÞ? Ingibjörg Sólrún? Rússar? Þú, Siggi?

[Sigurður Hreiðar, 30.12.2008 kl. 10:52]

Átti ekki von á að VÖV yrði ekki fyrr en nr. 8 með athugasemd hér. Ætla ekki lengi að rithöggvast við hann. En:

Ég, Siggi, hef fordæmt og fordæmi enn alla þá sem fara með ofbeldi gagnvart öðrum, þar með talið Jórdani og Ísraelsmenn gegn Palestínum. Skil vel „óþol Hamas við gyðingum“ en ég skil ekki hvernig þeir láta sér detta í hug að þeir megi sín einhvers með vopnavaldi og ofbeldi gagnvart Ísrael og Bandaríkjunum samanlagt. Ég held að þeir ættu að slíðra sín trésverð og tannstöngla og leggja fulla vinnu í að semja frið við Ísrael og helst sameiningu -- þá gætu þeir farið að mega sín einhvers þegar þeir gætu farið að vinna að sínum málum innan frá, eins og siðaðir menn, eða amk. sama siðar og Ísraelarnir.

Aldrei veldur einn þá tveir deila. En þeir sem hafa þá eina hugsjón að hefna þó þeir geri sér grein fyrir að hefnt verður á móti -- sem veitir þeim ástæðu til að hefna aftur -- eiga ekkert nema skömm skilið. Þeir einnig sem veita þeim lið.

[Vilhjálmur Örn Vilhjálmsson, 30.12.2008 kl. 10:59]

Trésverð og tannstönglar drepa engan, en Hamas drepur bæði Ísraels- og Palestínumenn. Hamas er er nú í síðustu orustu sinni.

[Eiður (IP-tala skráð) 30.12.2008 kl. 12:19]

Kristján frá  Djúpalæk er   vanmetið skáld. Þetta litla  ljóð snertir hjartarætur við fyrsta lestur. Einn margra gimsteina  sem hann   hefur  eftirlátið okkur. Held að ótrúlega margir kunni   það allt  eða  hendingar úr því. Það  situr í manni.

[Geir (IP-tala skráð) 30.12.2008 kl. 13:37]

"En Palestínumenn lifa við meira frelsi og mannréttindi en bræður þeirrá í öllum nagrannaríkjum Ísraels"

Hvaða máli skiptir þetta ?

En Ísrael hefur engan rétt til þess að ganga svona fram við Palestínu eins og þeir hafa gert síðan Ísrael var stofnað. Þessir Gyðingar á vesturbakkanum búa þar í ólöglegum landnemabyggðum og hatur Palestínu manna á þeim er skiljanlegt. Zíonistar eru nánast nákvæm eftirmynd af Nazistum þriðja ríkisins. Megi Guð vera fljótur að uppræta Ísrael, því þeir hafa engan áhuga á friði eða einhverju sem tengist friði. 

[Sigurður Hreiðar, 30.12.2008 kl. 14:34]

Mér datt það sosum í hug, að VÖV myndi ekki skilja líkingamál. Og Geir: ég tek ekki undir þá bæn að Guð uppræti fólk eða þjóðir, heldur uppræti hann hið illa í manninum, hvernig sem hann kýs að skilgreina sig.

Það virðist ljóst af framferði ísraelskra gyðinga að þeirra lærimeistarar eru þeir sem harðast léku þá tímum heimsstyrjaldarinnar síðari. Heil Hitler! eru að breyttu breytanda þeirra einkunnarorð.

[Anna Ólafsdóttir Björnsson, 30.12.2008 kl. 15:44]

Vel til fallið að koma draga þetta fallega og sorglega ljóð fram í dagsljósið, get varla lesið það ógrátandi, síst í ljósi síðustu atburða. En vonandi mun nýja árið færa okkur frið og betra líf, og þá ég nú reyndar við okkur mannkynið allt, til að það fari ekkert á milli mála.

[Guðjón Sigþór Jensson, 3.1.2009 kl. 13:18]

Dapurlegt er til þess að vita, að allt þetta brambolt tengist múgsefjun og lýðskrumi meðal pólitíkusa í Ísrael vegna kosninga eftir nokkrar vikur.

Ekki kæmi Mosa það á óvart að þá uppgötva þessir sömu menn friðinn og telja sig sjálfsagt hafa fundið hann upp.

Þá er umhugsunarvert hvers vegna Þjóðverjar fella ekki niður himinháar stríðsskaðabætur þegar ætla má að þær verði fyrst og fremst notaðar til kaupa á hergögnum til að nota gegn 3ja aðila. Kannski mætti hemja ófriðinn með því að draga sem mest úr hergagnasendingum þangað. Enginn græðir meir á þessu stríði en framleiðendur og seljendur vopna. Þar má auðvitað ekki útiloka Þjóðverja. Hergagnaveldið sem kennt var við Krúpp mun enn vera til en undir öðru vörumerki, Trade Mark.

Mosi