Undirskriftasöfnun sem vit er í

Verð að viðurkenna að ég sæki ekki mótmælasamkundur. Frekar en aðrar útisamkomur. Finnst ég ekki eiga heima í þeirri múgmennsku sem mér finnst ég finna þar.

En ég get tekið þátt í undirskriftasöfnun ef mér finnst vit í henni.

Eins og þessari:

http://www.petitiononline.com/mod_perl/petition-sign.cgi?heimili

Og skora á aðra að gera það líka.

Athugasemdir

[Hulda Bergrós Stefánsdóttir, 23.11.2008 kl. 21:52]

Takk, fór að þínu fordæmi

[ÓLafur Sveinsson (IP-tala skráð) 24.11.2008 kl. 10:57]

Verð að viðurkenna að ég sæki ekki mótmælasamkundur. síðan kemur:  Finnst ég ekki eiga heima í þeirri múgmennsku sem mér finnst ég finna þar.

Hefur þú þá verið þar?????

[Sigurður Hreiðar, 24.11.2008 kl. 12:45]

Sú var tíðin, Ólafur, já, því miður. Síðan getur maður einnig skynjað andblæ í samkomum í því sem maður fær að sjá og heyra gegnum fjölmiðla. -- Kannski hefði ég átt að nota þátíð í þessari staðhæfingu, en -- nútíð? -- Ég hef þessa tilfinningu enn, í nútíðinni.

[Björn (IP-tala skráð) 24.11.2008 kl. 15:32]

Og heldur þú að einhverjar netundirskriftir eigi nokkurn tíman eftir að gera eitt einasta gagn?

[Sigurður Hreiðar, 24.11.2008 kl. 16:10]

Ekki spilla þær fyrir, Björn, og gera frekar gagn en ógagn.

[Anna Ólafsdóttir Björnsson, 24.11.2008 kl. 18:07]

Mesta furða hvað við blessaður múgurinn á þessum fundum er margbreytilegur, þar sem ég þekki þig þá held ég jafnvel að þú myndir kunna vel við þig á laugardögum, hef náð tveimur af þessum fundum og ánægð með fjölbreytileikann. Það sem gleður er vaxandi fjöldi þátttakenda og að þetta virðist pirra ráðamenn sem eru of aðgerðalausir. En eins og þú bendir á þá eru til svo ótal margar leiðir til þess að segja skoðun sína og allsendis ónauðsynlegt að allir velji sömu leiðina, undirskriftir hafa margsannað gildi sitt, það þekkjum við Álftnesingar til dæmis í mikilli og góðri reynslu af beinu lýðræði. Vissulega er þol íslenskra ráðamanna gagnvart þeim nokkurt en þetta er engu að síður síst verri leið en útifundirnir. Í Sviss er nú verið að safna undirskriftum til þess að halda þjóðaratkvæðagreiðslu í þeirra efnahagsraunum, þar er hefð fyrir beinu lýðræði þótt ekki sé stjórnarfar þeirra gallalaust frekar en stjórnarfar annarra ríkja.