Hvers vegna -ferðis-?

4.7.2008 | 12:38

Ég geri mér ljóst að ég flokkast með þeirri gerð bloggara sem Hildur Helga Sig. kallar „háaldraða málfarsperverta“ -- gott ef ég má ekki bara undirskrifa sem slíkur með upphafsstöfunum H.M. En -- ég var að hlusta á hádegisfréttirnar, ma. um hákskólakennarann sem kærður er fyrir að hafa haft kynferðismök við börnin sín og vini þeirra.

Til hvers er verið að skjóta þessu „ferðis“ þarna inn. Hafði maðurinn ekki einfaldlega kynmök við blessuð börnin?

Hvernig væri að fletta því upp hvað „kynferði“ þýðir?

Flokkur: Dægurmál | Facebook

Athugasemdir

H.M. Aldur er afstæður og hver er sagður H-aldraður byggist trúlega meira á aldri þess sem talar - en að þú sért kallaður málfarspervert fannst mér skjóta skemmtilega skökku við. Ég hefði skilið það mikið betur ef ég hefði fengið það á mig fyrir slettur og samtvinningu tungumála, tilbúning á orðskrípum og almennt frekar frjálslega meðferð á málinu fagra og litríka.

En kynferðismök hef ég aldrei haft - myndi ekki vita hvar og hvernig ég ætti að byrja!

Helga Guðrún Eiríksdóttir, 4.7.2008 kl. 13:27

Það vantaði bara að hann hefði "framkvæmt kynferðismök".

Annars held ég að ég eigi líka heima í þessum flokki með Sigurði og Hildi Helgu og líkar það bara vel.

Emil Örn Kristjánsson, 5.7.2008 kl. 00:00

Enn einn úr flokknum. Er ekki rétt að stofna "flokk" ?

Eiður Guðnason (IP-tala skráð) 5.7.2008 kl. 11:48

Sama hér.

Auðvitað geri ég vitleysur. Sumir gera bara fleiri. Ég er að mestu hættur að tuða yfir vitleysum í öðrum. Það er svo tilgangslaust. En verði stofnaður flokkur vil ég gjarnan vera með. Og ekki er H.M. titillinn dónalegur.

Sæmundur Bjarnason, 5.7.2008 kl. 20:25

Legg til að stofnað verði "ambögublogg". Þar sem hægt verði að raða inn fjömiðlaambögum. Það yrði fljótt skrautleg síða.

Eiður (IP-tala skráð) 5.7.2008 kl. 21:00

Nú hefur þetta orð kynferðismök alllengi farið í mínar fínustu... en ég hef aldrei mætt nokkrum skilningi á pirring þessum. Og þar sem fjölmiðlafólkið sem lætur svona lagað út úr sér er í flestum, ef ekki öllum, tilfellum bæði mér eldra og reyndara lá við því á tímabili að ég færi að trúa þessu bulli. En sem betur fer er ég alveg laus við það