European Musical Show Contest

22.5.2008 | 20:29

European Musical Show Contest

Ég verð að segja að mér fannst íslensku krakkarnir skila sínu hlutverki vel í Evróvissjónforkeppninni áðan. Og þó ekki öfundsvert hlutverk að skila frambærilega þessari lagleysu sem við sendum nú sem oftar í þessa keppni, og erum reyndar ekki ein um, ég hef að vísu ekki lagt hlustir grannt við en ég man ekki eftir einni einustu melódíu amk. ekki í ár.

Nú er bara að bíða eftir kosningunum og sjá hvernig fer. Ef þetta er European Song Contest eigum við varla séns. Ef þetta er European Musical Show Contest eigum við góðan séns. Ég ætla að bregða mér í kvöldgöngu í góða veðrinu.

Flokkur: Dægurmál | Facebook

Athugasemdir

Þótt ég muni aldrei læra lagið (og er þó ekki svo treg) þá samgleðst ég krökkunum fyrir fagmennskuna sem skilaði þeim í úrslit. Þau eiga þetta skilið. Ég syng bara hó, hó, hó í huganum og finnst það lag alls ekkert líkt einhverju sjóræningjalagi sem var að reyna að komast að, tók reyndar ekki eftir því hvort það fór áfram. Dr. Spock var líka með fallega melódíu inni á milli grófari tónlistar, en þetta eru nú fulltrúarnir okkar og lagið sem þjóðin kaus að velja, ekki mér að kenna og ábyggilega ekki heldur þér.

Anna Ólafsdóttir Björnsson, 22.5.2008 kl. 21:25

Sammála, þau eiga þetta skilið, krakkarnir. En það er ekki von að þú getir lært lagið

Kv. í bæinn

Sigurður Hreiðar, 22.5.2008 kl. 21:27

Við hringdum inn og greiddum Íslandi atkvæði okkar hérna, ég og börnin. Það var sambland af afvegaleiddri þjóðerniskennd og þrýstings frá krakkalökkunum sem olli því, ekki get ég lært né munað þetta ólag frekar en aðrir. En þessir krakkar stóðu sig mjög vel með það sem þau höfðu "í höndunum".

Ég held að sjóræningjarnir vinni þetta á laugardaginn. Með yfirburðum.