Dælulyklar hálfgert prump

Eldsneytisfélögin halda áfram að skara eld að sinni köku (úps! eldfimt orðalag!) og slá ryki (svifryki?) í augu bíleigenda, m.a. með svokölluðum dælulyklum. Þegar ég fékk fyrst dælulykil -- ætli lítrinn hafi ekki kostað um 100 krónur þá? Það er ekki svo glöggt að fylgjast með eldsneytisverðinu. En að því gefnu hefur afsláttur af skráðu verði þá verið um 2%.

Nú kostar bensínlítrinn 150 kr. og þar yfir. Þá er afslátturinn kominn niður í 1,33%. Er sem sé að verða næstum að engu, orðinn hálfgert prump. Væru eldsneytissalarnir sjálfum sér samkvæmir og ætlist til einhverra tryggða út á lyklana sína ættu þeir að binda afsláttinn við hundraðshluta verðs. Þá er það kannski einhvers virði.

Athugasemdir

[Sæmundur Bjarnason, 2.5.2008 kl. 15:06]

Vá, þá verður afslátturinn bráðum fimmkall. Engin  smárausn það.

[Gunnlaugur B Ólafsson, 2.5.2008 kl. 16:35]

Góðir punktar. Var einmitt að fagana Atlantsolíu hér í Mosó, en svo eru þeir sáralítið ódýrari og ég var einmitt að fá mér lykil hjá þeim. Mbk,  G.

[Ómar (IP-tala skráð) 3.5.2008 kl. 12:27]

það sem ég skil ekki er að af hverju eru olíufélögin með lykla, af hverju ekki að keppa með lægsta verð ég persónulega myndi versla þar sem verðið er lægst þ.e. ef þeir hafa efni á að lækka verðið yfir höfuð.....

[Helga Guðrún Eiríksdóttir, 3.5.2008 kl. 15:23]

  

Skemmtilegra þegar lyklarnir kunna að dansa líka.  

Góða helgi, kæri vinur.

[Sigurður Hreiðar, 4.5.2008 kl. 08:47]

Ómar: eins og þú getur nærri eru dælulyklarnir hugsaðir til að tengja mann einu tilteknu olíufélagi tryggðaböndum þannig að maður kaupi frekar af því heldur en hinum. Og látið líta svo út að maður hafi hag af því. En ef hagurinn er innan við 100 kr. af fyllingu -- hvað þá?

Helga Guðrún: gaman að lyklum sem dansa. Úr hvaða forriti er þetta? Get ég fengið svona á nafnspjaldið mitt?