Undir smarties handa gestum

„Efsti hluti af hauskúpu, líklega konu eða barns, til sölu. Lítið notaður síðustu 30 árin eða svo, aðallega undir smarties handa gestum.“ Eitthvað á þessa leið var smáauglýsing í The Vivid Imagination og hið eina sem ég fann þegar ég fór að gefnu tilefni að leita mér að hausskúpu til heimilisskrauts.

Ég fann ekkert þar um í smáauglýsingum mbl.is, ekkert í ebay.com og ekki einu sinni í google. -- Allar líkur á að maður verði bara að fara á stúfana sjálfur eða láta kyrrt liggja. Í gröf sinni, vígðri eða óvígðri.

Ekki frekari eftirmál af beinfundinum

Athugasemdir

[Gunnfríður Elín Hreiðarsdóttir, 25.3.2008 kl. 16:27]

Þetta varð nú hálfgert flopp þetta höfuðkúpumál.  Maður var búin að búa sig undir eitt dularfyllsta sakamál síðari tíma en svo er þetta bara gamalt stofustáss.  Reyndar myndi mér nú ekki hugnast að hafa þetta í minni stofu en hvað veit ég um exótíska listmuni.  Ef þig langar óskaplega í svona þá geturðu kannski bara fengið þessa keypta enda ku stofan sem hún skreytti heyra sögunni til.  Spurningin er hins vegar hvort þú fáir þá anda hins framliðna í kaupbæti.

Kveðja af eyrinni

G. jr

[Helga Guðrún Eiríksdóttir, 26.3.2008 kl. 22:50]

Margur hefur þegið minna rabbat án þess að kvarta.

[Björn Jóhann Björnsson, 28.3.2008 kl. 23:07]

Stóra hauskúpumálið er efni í kvikmynd, engin spurning, bara spurning hvort það á vera krimmi eða farsi. Annars var ég að fá í hendur Helgarblað DV og sendi hérmeð hamingjuóskir á tímamótunum, Sigurður Hreiðar. Af blogginu að dæma ertu ennþá unglamb... Bestu kveðjur frá bjb

[Helga R. Einarsdóttir, 30.3.2008 kl. 21:41]

Ekki veit ég hvort þú ert heima frændi, en hvar sem þú ert áttu hjá mér hamingjuóskir. Ég er vel meðvituð um ykkur báða sem stóðuð á tímamótum á föstudaginn, hitti hinn, en sé þig seinna. kv.