Búið að taka af hæfileikann til að fóta sig í hálku?

„Fyrsta er að það er greinilega búið að taka af "borgarbúum" hæfileikan til að fóta sig í hálku, hvort sem er á tveimur jafnfljótum eða á fjórum hjólum.  Þetta er bara spurning um að kunna að fóta sig á svellinu !!“

Þetta var ein af athugasemdunum þegar ég bloggaði um daginn um hálku á Akureyri og litlar ef einhverjar hálkuvarnir.

Þarf varla að taka fram að höfundur athugasemdarinnar er Akureyringur! 

Margir árekstrar fyrir norðan

Athugasemdir

[Gunnfríður Elín Hreiðarsdóttir, 2.12.2007 kl. 19:40]

Hér finnst mér nú heldur ómaklega vegið að Norðlendingum og ákvað því að koma með eftirfarandi athugasemd "Eftir að háskólinn kom á Akureyri er bærinn fullur af allskonar aðkomulýð sem ekki kann að fóta sig í hálku"  .   Annars er ég algerlega sammála Akureyringnum hvað hálkuvarnir varðar og þetta helv. salt er ógeð!!!

Kveðja frá Eyfirðingi í útlegð fyrir sunnan

GEH

[Hulda Bergrós Stefánsdóttir, 2.12.2007 kl. 21:38]

Hélt að norðamenn kölluð aðkomufólk SS (sérfræðinga að sunnan)

Hér í mínum bæ er það kallað AKP (aðkomupakk) sem ég er hætt að vera eftir 20 ára búsetu í Verahvergi

[Sigurður Hreiðar, 3.12.2007 kl. 12:54]

Ekki finnst mér neitt ómaklega vegið að Norðlendingum, Gunnfríður Elín, þó þeím séu sendar aftur þeirra eigin lummur fullar af gorgeir. Eins og við sveitafólkið vitum eru allar beljur beljur á svelli þegar svell er. Sama hvort þær eru norðlenskar eða sunnlenskar.

Ég er sammála um að kryddaðar götur (=saltaðar) eru ekkert fagnaðarefni, en heldur kýs ég þær en brotinn lærlegg -- eða e-ð þessháttar. Svo ekki sé talað um e-ð enn verra! Ég tel skyldu forráðamanna í þéttbýli að tryggja sem minnstar líkur á slysum og óhöppum, hvort sem þær felast í salti eða öðrum ráðum.