Hvar er hvergi? Í Tyrklandi og Erítreu

Hvergi dýrara að fylla á tankinn, Íslendingar búa við hæsta eldsneytisverð í heimi samkvæmt þýskri könnun, segja 24 stundir á forsíðunni í dag. Aðeins í Tyrklandi og Erítreu er bensíndropinn dýrari.

Þá veit maður loksins hvar hvergi er. Það er í Tyrklandi og Erítreu.

Að vísu er þetta lygi hjá mér. Ég sleppti því úr fyrirsögn 24 stunda að dísilolía er hvergi dýrari en hérlendis.

Fyrirsögn 24 stunda er líka lygi. Það er dýrara að fylla á tankinn í Tyrklandi og Erítreu. Bara spurning um hvort notað er bensín eða dísilolía.

-- Þar fyrir utan er sorglegt að sjá hvernig stjórn lýðveldisins fjargviðrast yfir mengun af völdum umferðar en lætur undir höfuð leggjast að efla notkun dísilbíla með skynsamlegri verðlagningu dísilolíu. Því þegar öllu er á botninn hvolft er það ríkissjóður sem á mestan þátt í verðlagningu eldsneytis á Íslandi.

Hvernig er það í þessum samanburðarfræðum: er bensín ekki lengur niðurgreitt í Bandaríkjunum?

Annars: til hamingju með nýja nafnið, 24 stundir. Ég er ekki viss um að ég sé hrifinn af því. En það er altént skárra en Blaðið.

Athugasemdir

[gudni.is, 10.10.2007 kl. 13:04]

Þú ert alveg ágætur kallinn nú sem fyrr. Skrif þín eru oft á tíðum skrifuð í annari "vídd" en hjá flestum, ef svo má að orði koma? Þau fá mig a.m.k. oftast til að brosa svolítið. Ég tek það skýrt fram að þessi orð mín eru ekki illa meint á nokkurn hátt.

[Gunný (IP-tala skráð) 10.10.2007 kl. 13:53]

Stundum borgar sig tæpast að reyna að ergja fólk frekar en orðið er. En með ættfærsluna á HH (hann er reyndar nr.2 af þessum svarendum þínum) er því þannig varið að mamma hans og þú eruð þriðji  liður frá Guðrúnu  langömmu  á Stuðlum.  Hann er kominn út af Bóasi en  við  Eyjólfi . Þannig er það. Blessi þig G.

[Óskar Þorkelsson, 10.10.2007 kl. 17:34]

já hvergi er í tyrklandi og einu sinni var Engin í landsliði tyrkja í knattspyrnu.