Falleg ástarvísa

Læt ég fyrir ljósan dag / ljós um húsið skína. / Ekki til að yrkja brag / eða koma nein´ í lag / heldur til að horfa á konu mína.

Hjördís Kvaran Einarsdóttir (kvaran.blog.is) brýnir mig til að skjóta fram vísu -- með, ef ég hef skilið rétt, spurningu um höfund og tilurð.

Sem ég hér með geri. Þetta er fallegasta ástarvísa sem ég kann. Hver orti hana? Vitið þið nánar um tilurð hennar?

Athugasemdir

[Þráinn (IP-tala skráð) 5.10.2007 kl. 15:26]

Að sjálfsögður er þessi vísa eftir mesta ástavísuskáld Íslendinga:  Pál Ólafsson.

[Sigurður Hreiðar, 5.10.2007 kl. 20:06]

Hmmm -- lofa að hafa þetta þyngra næst, Þráinn!

Gaman að fá heilsan frá þér, BenAx, og langminnugur ertu! Ég var einmitt nýlega að rifja upp eftir þig frumatriðin í sambandi við hundahreinsun, en þá varstu víst kominn í kjallarann, ef ég man rétt.

Velkominn í bloggheima. Ég mun fylgjast með þér mér til skemmtunar. En bloggvináttu býð ég ekki að sinni, þar verður fjöldinn að vera viðráðanlegur. annars er ekkert gaman að bloggvináttunni.

Góð kveðja

[Lesandi (IP-tala skráð) 5.10.2007 kl. 22:46]

Ást mín fer á algjört spítt,
eðal hamingjunnar,
einatt þegar andlit frítt,
ég sé konu minnar.