Liggur ekkert á með vængina

 

Var ekki einu sinni til vinsælt lag: Thank Heaven for little girls, ´cause little girls get bigger every day?

Gaman hef ég af því að fylgjast með litlu tátunum mínum, allt frá þeirri sem nú er óper í Bretlandi (það er ekki eins gaman og hún hafði ímyndað sér), um þá sem sýnir afskaplega tannlaust -- eða á maður að segja skörðótt -- bros og þá sem réttir mér vatnsflöskuna sína og segir: ertu ekki voðalega þyrstur, afi minn? Þú mátt súpa, en bara stutt!, niður í þá sem lætur sér nægja að horfa á mann með öðru auganu í einu (og bara stutt!).

Þær halda áfram að verða flottari með hverjum mánuði sem líður. Amk. þangað til kemur að því að verða ósjálfbjarga í hinn endann en það er önnur saga. Þá verður afi kominn með vængi. Honum liggur ekkert á með það, ánægður með tilveruna eins og hún er.

-- Þetta var upprunalega athugasemd við bloggi hjá bloggvini, en fær nú vængi út á hið almenna blogg.

Athugasemdir

[Helga R. Einarsdóttir, 1.9.2007 kl. 20:28]

Enda vel orðað frændi. Ég hef núna undir mínum "verndarvæng" systur tvær gullfallegar. Þess vegna  er ég ekki alveg búin að ákveða hvar ég sef í nótt. kv.