Kveðum nú kátan brag

komin úr fletinu.

Guð oss nú góðan dag

gefi á netinu.

Þetta skreið inn í hausinn á mér yfir morgunkaffinu (sem var að vísu tesull í morgun því mjólkin var búin og ég drekk helst ekki svart kaffi) meðan ég var að lesa Vísnahornið í Mogga, sem ég læt aldrei undir höfuð leggjast.

Þar var ágæt vísa eftir Hallmund Kristinsson…

„Af því öll við höfum hag

að hafa salt með ketinu.

Guð oss öllu góðan dag

gefi hér á netinu.“ 

…að öðru leyti en því að ég er of tregur til að tengja ket endilega við net (það væri frekar fiskur), og því langaði mig að gera bragarbót.

Læt aðra um að meta hvort það hefur tekist -- og fyrirgefðu, Hallmundur!

 

Athugasemdir

[Þórður Björn (IP-tala skráð) 24.8.2007 kl. 00:09]

Gef oss í dag vort daglegt net...