Á hvaða leið erum við?

Meira af sama tagi og í gær: …við erum ekki að komast inn í húsið… sagði Þjóðleikhússtjóri í viðtalið á Rás 1 núna rétt áðan. … er ekki að endurspegla… sagði fjármálaspekingur (Jónas Friðþjófsson, heyrðist mér hann heita) í fréttaviðtali í sama miðli. Ekki man ég hvað svona málalengingar heita, en ljótar eru þær!

Annars komu mjög skemmtilegar athugasemdir út á færsluna í gær og óborganlega fyndnar þýðingavitleysur!

Hlynur segir þar reyndar að svona aðfinnslur/ábendingar nái ekki til þeirra sem þyrftu og það er ugglaust rétt. En eigum við nokkuð að gefast upp samt?