Er Melrakkaslétta komin inn undir Jökulsá?

Er landafræði Íslands ekki kennd lengur í skólum? Eða er mín landafræði komin öll í keng?

Síðast þegar ég vissi var Lundur í Öxarfirði raunar ekki langt frá Ásbyrgi. Hins vegar var Melrakkasléttan miklu utar -- tók ekki við fyrr en handan við Kópasker ef fylgt var förnum vegi.

Getur einhver frætt mig um í fullri alvöru hvar Melrakkaslétta hefst og hvar hún endar?

Árekstur í nágrenni Ásbyrgis

Athugasemdir

[Guðrún Einarsdóttir (IP-tala skráð) 21.7.2007 kl. 12:21]

Ekki hef ég orðið vör við að Melrakkasléttan næði fram í Öxarfjörð og ég bý á Kópaskeri.  Síðast þegar ég vissi byrjaði Sléttan austan við Kópasker og nær til Raufarhafnar.  Annars er þessi frétt öll vitlaus því miður, ekki bara staðsetningin að Lundur sé á Sléttu heldur var það jeppin sem keyrði fyrir fólksbílinn, en ekki öfugt.  Hinsvegar sluppu ökumenn án meiðsla og það er það sem mestu máli skipti í þessu öllu saman.

[Helga R. Einarsdóttir, 21.7.2007 kl. 16:43]

"Það er ekki ein báran stök", "eða öll vitleysan eins".

Enda hef ég áður spurt - hvernig verða fréttamenn til?

[Sæmundur Bjarnason, 21.7.2007 kl. 22:05]

Iss, enginn skyldi treysta um of á landafræðiþekkingu fréttamanna. Fyrir utan það klassíska, að þeir rugli saman nöfnum eins og t.d. Ólafsvík og Ólafsfirði, þá hef ég oft ekki fengið botn í fréttir öðru vísi en að gera ráð fyrir að fréttamenn haldi t.d. að Hellisheiði nái niður undir Rauðavatn.

[Gísli Sigurðsson, 21.7.2007 kl. 23:33]

Nákvæmlega, það fer í taugarnar á mér þegar talað er um hellisheiði á móts við Litlu kaffistofuna. Ég hef talið það Sandskeið upp að Draugahlíð sem er brekkan sem liggur upp á Svínahraun, síðan taka við Hveradalir og þar upp af Hellisheiði. Svona lítur mín landafræði út, þið leiðréttið mig endilega ef ég hef lært þetta vitlaust.