Er þetta stálfugl?

„Gári … flaug inn um svalahurð…“ las auglýsingaþulurinn hjá RUV núna rétt áðan.

Ætli hann sé úr stáli? Er hurðin ekki illa farin?

Þarna vantar fréttaskýringu á auglýsinguna.

Minnir mig á þegar ég eitt sinn var staddur á bílasölu sem hefur bæði inni- og útisvæði. Allt í einu kallar starfsmaður hátt og snjallt: „Hvaða bíll var það sem ég átti að færa?“ -- og annar svaraði af bragði: „Þessi sem stendur þarna í hurðinni!“

Sem betur fer var þó hurðin óskemmd, enda dyrnar galopnar. Og þar stóð rauður bíll.

Athugasemdir

[Helga R. Einarsdóttir, 2.7.2007 kl. 16:29]

Skoooo - ég er alls ekki að hanga inni í góða veðrinu, kom bara aðeins við til að skila dóti. En hvað finnst þér um að það var ekið á níu lömb og þrjár kindur fyrir vestan um helgina?

Eða er ég kannski of smásmuguleg þar líka? kv.

[Sigurður Hreiðar, 2.7.2007 kl. 17:11]

Fallegra hefði mér þótt að tala þarna um ær.

Það er nú kannski grjótkast úr glerhúsi að tala um smásmugur annarra…

Mbkv.

[Guðríður Hrefna Haraldsdóttir, 3.7.2007 kl. 01:11]

 ... eða stórgrýtiskast úr gróðurhúsi jafnvel ... heheheh! Gaman að vera búin að finna þig. Svo setti ég svo fallega mynd af okkur saman inn á bloggið mitt áðan. Laug nú að bloggvinum mínum að hún hefði verið tekin þegar við skemmtum á Wembley ... þetta var nú bara á árshátíð Frjálsrar fjölmiðlunar 1987 eða 88. Usss

[Guðríður Hrefna Haraldsdóttir, 3.7.2007 kl. 01:11]

úps, átti ekki að vera svo ... svo ...

[Helga R. Einarsdóttir, 3.7.2007 kl. 08:41]

Æ - svona fer þetta alltaf. Ég sem var farin að halda að ég sæti ein að krásunum "forever" kv.