Miðasölukompaníið IE

Einkennilegt að kalla Iceland Express (Iceland Compress væri réttara nafn miðað við fótarými milli sæta) flugfélag. Það er það alls ekki. Það er eins konar miðasölukompaní -- veit ekki hvort það hefur einu sinni ferðaskrifstofuréttindi. Það er Astraeus Airlines sem flýgur fyrir þetta skrýtna fyrirtæki og væri gaman að fá lærða skýringu á því hvað IE raunverulega er og hver ábyrgð þess er gagnvart þeim sem kaupir aðgang að þessu leiguflugi Astraeus gegnum það.

Sjálfur hef ég svo sem ekkert nema gott um samskiptin við þennan samhnýting að segja, allt frá fyrstu samskiptum þegar ég komst heim til Íslands með vél frá AA sem hljóp undir bagga með Emerald Air vansællar minningar sem var einhver vanhugsaður flumbrugangur í ferðamálum 1900 níutíu og eitthvað.

Eitt um orðalag í þessari frétt: Af hverju étur hver eftir öðrum nú til dags að segja „líkt og“ þegar meiningin er greinilega „eins og“? Gæti verið að enska sögnin „like“ sé eitthvað að þvælast fyrir menntuðum nútíma Íslendingum?

Segir ekki satt um atvikið

Athugasemdir

[corvus corax, 6.8.2011 kl. 11:36]

Að sjálfsögðu lýgur upplýsingafulltrúinn einu til og öðru frá, hann er ráðinn til þess að hvítþvo þetta glæpakompaní. Og það virðist sammerkt með öllum frásögnum fólks af samskiptum við þetta kompaní að það næst aldrei í neinn sem svarar fyrir það. Þeir sem ábyrgir eru virðast fela sig hver sem betur getur þegar reynt er að ná til þeirra eins og margsinnis hefur komið fram í frásögnum af samskiptum við fyrirbrigðið. Maður gæti haldið að þeir hafi eitthvað að fela ...eða hvað?

[Guðmundur Benediktsson, 6.8.2011 kl. 12:06]

Að ráða reyndan fjölmiðlamann sem upplýsingafulltrúa hefur þann eina tilgang að reyna að lappa upp á ímyndina , í stað þess að eyða pening í að bæta þjónustuna. Ég skil ekki í Heimi Má að láta hafa sig út í þann bissness. Hans trúverðugleiki verður, fyrir vikið, minni fyrir mér í framtíðinni.

Hrafninn segir hér að ofan: Maður gæti haldið að þeir hafi eitthvað að fela ...eða hvað? Ja ekki veit ég. En undarlegt finnst mér, að vera að rembast í jafnviðkvæmum og krefjandi rekstri og flugrekstur er, og leggja sig svo fram um að sinna því jafn illa og Iceland Express gerir. Kannski er höfuðtilgangur eigenda IE einhver annar...

[Snowman, 6.8.2011 kl. 13:45]

Ég heyri svo margt slæmt um þetta fyrirtæki í fjölmiðlum.  Fólk er endalaust að kvarta.  Já, það er eflaust eitthvað sem mætti laga hjá IE.  En því má ekki gleyma að þetta er eina alvöru samkeppnin við Flugleiði.

Ég man hvað það kostaði að fljúga á milli Danmerkur og Íslands áður en Iceland Express kom til sögunnar.  Ég veit hvernig það var að vera námsmaður og ekki hafa efni á því að komast heim um jól eða til að vinna á sumrin.  Fátækt námsfólk hefur ekki efni á því að borga frá 3.500 kr (sem það var ÞÁ) og uppúr fyrir flugmiða. 

Eins og ég sagði áður, þá er ég viss um að ýmislegt sé hægt að gera til að bæta fyrir svona mistök, sama hverjum það er að kenna.  Og ég meina ekki að það sé nóg að henda þremur flugmiðum í fólk til að fá það til að halda kjafti.

Við lesum um kvartanir frá farþegum Iceland Express... ca. 2 - 3 kvartanir á mánuði enda í fjölmiðlum.  En hvað fljúga margir með Iceland Express í hverjum mánuði ? Og ef þetta er svona hryllilegt fyrirtæki með hryllilega þjónustu, af hverju ferðast þá ekki allir með Icelandair ???

Nei, ég vil hafa samkeppni og á meðan ekki eru betri valkostir, þá ferðast ég með Iceland Express (á meðan þeir eru ódýrari).  Hef aldrei orðið fyrir vonbrigðum en hver veit hvað getur gerst.