Holt eða vogur?

Getur mbl.is ekki ákveðið sig, hvort Viðarrimi er í Grafarvogi eða Grafarholti? Eða heldur þessi miðill að vogur og holt sé eitt og hið sama?

Viðbót tæmum sólarhring síðar: Búið að leiðrétta þessa smáfrétt. En svona vitleysa átti ekki að sjást í fyrsta lagi.

Íkveikja í Grafarvogi

Athugasemdir

[The Critic, 3.8.2011 kl. 21:32]

Þetta er sitthvort hverfið en Viðarrimi er í Grafarvogi. Þetta er dæmi um ónákvæmni og óvandaðan fréttaflutning en það er eitt sem einkennir mbl

[Guðjón Sigþór Jensson, 4.8.2011 kl. 18:47]

Þegar byggð hófst norðan Grafarvogar var illu heilli öll byggðin nefnd svo þegar hún teygðist norður allar koppagrundir í átt að ósum Úlfarsár sem því miður allt of margir nefna ónefninu Korpu. Það heiti mun vera stytting á Korpúlfsstaðaá en Úlfarsá heitir ekki Korpúlfsstaðaá fremur en Blikastaðaá eða Lambhagaá. Úlfarsá rennur um lönd allra þessara jarða sem voru kotbýli uns Thor Jenssen keypti Korpúlfsstaði og Lambhaga, sameinaði jarðirnar að nokkru leyti. Mun Korpúlfsstaðaá eða Korpa ekki ver eldri en frá tíma hans. Fróðlegt væri að kanna þetta sérstaklega.

Guðlaugur R. Guðmundsson cand. mag. hefir rannsakað víða örnefni og gefið út ýmsar merkar heimildir, m.a. örnefnakort Reykjavíkur. GRG lagði til á sínum tíma að byggðin norðan við elsta Grafarvogshverfið væri nefnt Sundabyggð enda væri mjög fornt orðatæki að tala um lönd inn við Sund, þ.e. Viðeyjarsund og allt inn að Þerneyjarsundi.

Því miður er allt of oft farin styttri leiðin að sannleikanum og hver apar eftir öðrum. Stundum kemur slæmur misskilningur fram og má t.d. benda á að Leirvogsvatn var nætstum horfið en þegar veitingastaðurinn Svanastaðir voru reistir um 1930 á móts við Leirvogsvatn var farið að nefna vatnið Svanavatn. Sennilega bjargaði Bjarni Sigurðsson prestur á Mosfelli, faðir Bjarka kennara, leiðsögumanns, rithöfundar og fræðimanns Vatninu frá því að ambagan fékk að vaða uppi. Ritaði sr.Bjarni grein í Morgunblaðið og benti á þessa staðreynd en rútubílsstjórar munu hafa átt þátt í að Leirvogsvatn varð að Svanavatni en þeir munu hafa kunnað vel að meta kaffiveitingar á Svanastöðum.

Góðar stundir!

Mosi