Skólasystkini

Hvað varð um gömul og góð orð eins og skólasystkini? Skólafélagi? Skólabróðir? Skólasystir? Nú tröllríður orðskrípið samnemendur öllu. Er ég einn um að þykja það hræðilega ljótt orð, miðað við hin sem eru svo lýsandi?

Mætti með vændiskonu í tíma

Athugasemdir

[Garðar Valur Hallfreðsson, 17.5.2011 kl. 16:49]

Mér finnst persónulega gleðikona miklu flottara orð  :)

[Ingimar (IP-tala skráð) 17.5.2011 kl. 17:18]

Garðar ég hrækti næstum kaffinu yfir skjáinn

[Arnar Ingi Viðarsson (IP-tala skráð) 18.5.2011 kl. 01:02]

Sammála, ég vildi nota gleðikona :)

[Sigurður Hreiðar, 18.5.2011 kl. 10:15]

Skrýtnar þessar athugasemdir hjá Garðari og Arnari. Snerist blogg mitt um sjálfsölukonu? Þá hefur mér mistekist; það átti að fjalla um orðskrípið samnemandi.

[Eyþór Örn Óskarsson, 18.5.2011 kl. 11:50]

Sæll Sigurður - ég er sammála þér með athugasemdirnar hér að ofan og tel reyndar að þær stjórnist af þörf fyrir að vera "töff og að snúa útúr".......

Ég tel orðskrípi eins og þú nefnir sé afleiðing þeirrar stefnu sem hefur verið að ryðja sér til rúms að ekki megi karl eða kvenkenna störf - til dæmis má ekki segja "skúringakona" það þarf að vera ræstitæknir og ég man ekki einusinni eftir því hvað á að kalla "hjúkkuna" nú orðið............

[Sigurður Hreiðar, 18.5.2011 kl. 12:57]

Þakka fyrir þetta, Eyþór Örn. En það er ekki einu sinni svo að skólasystkini eða skólafélagar -- bekkjarfélagar þess vegna -- séu kyngreind orð. Það ætti frekar við um orðskrípið sem endar á -nemandi; það er þó altént karlkyns.

[Svalur (IP-tala skráð) 18.5.2011 kl. 15:54]

Nemandi er karlkyns orð en getur átt við um bæði Karl eða Konu. En talandi um orðskrípi þá finnst mér sjálfsölukona meira orðaskrípi en samnemandi. Og það ræstitæknir eigi að koma í veg fyrir að störf séu kyngerð myndi ég ekki telja rétt. Það felst mikið meira í því en bara að skúra gólf að vinna við ræstingar. Svo er spurning hvað karlkyns ræstitæknir segi við því að vera kallaður skúringakona. Þótt auðvita séu til konur  sem gegna starfi ráð"herra"

[Sigurður Hreiðar, 18.5.2011 kl. 16:01]

Á mínum uppvaxtarárum vann ég einn vetur sem skúringakona. Og fannst ekkert að því. Auðvitað er felst engin kyngerð í því þó heiti í öðru kyninu sé notað um starf sem bæði kynin geta leyst af hendi. Þess vegna finnst mér til dæmis „jafnréttisstýra“ óttalega tilgerðarlegt og vont orð.

[Garðar Valur Hallfreðsson, 18.5.2011 kl. 19:19]

Burtséð frá því hversu góð orð skólafélagi eða skólasystkin séu, sem þau í raun eru, þá finnst mér persónulega ekkert að orðinu "samnemandi".  Samnemandi er mjög lýsandi orð enda erum við að "nema saman"  :)

Svo ætla ég að fara að skammast mín því ég snéri út úr fyrir þér í upphafi, mér líður hryllilega yfir því.