Brotist inn í ólæsta?

Var ekki óþarfi að brjótast inn í þá, fyrst þeir voru ólæstir? Þeir sem ekki læsa bílunum sínum eiga skilið ofboðlitla samúð -- fyrir að vera svona kærulausir. Annað ekki.

Brotist inn í bíla

Athugasemdir

[Kolbrún Hilmars, 11.5.2011 kl. 17:09]

Sigurður, eigum við eitthvað annað hugtak yfir fyrirbærið?

[Óli minn, 11.5.2011 kl. 17:44]

Þetta viðhorf er næsti bær við það þegar menn telja konur eiga ekki samúð skilið fyrir að vera nauðgað því þær klæddu sig svo ögrandi.

[Sigurður Hreiðar, 11.5.2011 kl. 19:59]

Já, Kolbrún mín, hvernig líst þér á: Verðmætum var stolið úr fimm ólæstum bílum…

Óli minn -- ég skil þig ekki. Mér sýnist að við hugsum gjörólíkt, amk. um konur.

[Óli minn, 11.5.2011 kl. 21:52]

Jamm, við hugsum gjörólíkt. Ég get tekið undir það.

[mörgæsin (IP-tala skráð) 12.5.2011 kl. 12:10]

Eins og þú bendir á er ekki loku fyrir það skotið að það hafi verið brotist inn í þá, en líklegra er að það hafi verið farið inn í þá og ýmsu dóti stolið.  Eigendur þessara muna eiga heilmikla samúð skilda þar sem þeir eru í sýnu verri málum gagnvart tryggingafélugum en ef þeir hefðu gert ráðstafanir til að hindra aðgang (læst bílunum).

Hins vegar eiga blaðamenn oft í miklum erfiðleikum með titölulega einföld hugtök, t.d. þekkja þeir oftast ekki muninn á ráni og þjófnaði.  Menn eru jafnvel rændir án þess að þeir viti af því.