Er hægt að kalla allan andskotann músík?

Með leyfi að spyrja (svo íslenskaður sé danskur kurteisisfrasi): Er hægt að kalla allan andskotann músík?

Maður heyrir „unga“ tónlistarmenn (suma reyndar orðna miðaldra eða rúmlega það, en telja sig alltaf jafn unga) flytja eigin lög og jafnvel texta án þess að það votti fyrir melódíu. Út yfir tekur þó þegar þeir skipta einum tóni niður í sextándu parta eða allt niður í 64. parta til að koma sem flestum atkvæðum texta fyrir í taktinum.

Sagan segir að íslenska landhelgisgæslan hafi unnið Þorskastríðið m.a. með því að spila Megas í tíma og ótíma á samskiptabylgju bresku togaranna og herskipa þeirra. Bretum varð ekki verra gert í þann tíð.

En má ég þá heldur biðja um Megas þó eigi þyki mér fögur raust hans heldur en obbann af þessari tónlist „ungra tónlistarmanna“ sem viðrað er yfir okkur nú um stundir.

Athugasemdir

[krumminn (IP-tala skráð) 20.2.2011 kl. 17:02]

Sæll Sigurður, um leið og ég þakka allt gamalt og gott þá verð ég að segja að sjaldan hef ég lesið jafn góða samlíkingu og skrif þín um nútíma tónlist sem er með öllu óþolandi eins og raunar Megas svona oftast.

Með kveðju að norðan,

Björn Sig.

[Pétur Harðarson, 20.2.2011 kl. 20:46]

Já tónlist eins er hávaði annars. Persónulega finnst mér of mikið af hraðsuðutónlist í dag þar sem meira er lagt í útlit og hátterni "listamannsins" en gæði tónlistarinnar.

[Jón Arnar, 20.2.2011 kl. 23:09]

Þá verður þú nú bara að hlusta á eitthvað annað i iphoninium ef utvörpin eru orðin svona erfið fyrir eldra eyrað hjá þér - smekkur okkar er sem betur fer misjafn þannig þrifst allskonar tónlist

[Gunnar Waage, 21.2.2011 kl. 04:43]

Skil alveg fullkomnlega hvað þú ert að tala um, hér er eitthvað almennilegt handa þér gamli.

http://www.youtube.com/watch?v=Y0nsaOhaisw&feature=related

g

[Hörður Björgvinsson (IP-tala skráð) 1.3.2011 kl. 12:26]

Megas er næstlélegasti söngvari sögunnar.  Aðeins Bob Dylan er verri.