Ágætlega stinnar og fallega rasskinnar.

Upp úr miðri öldinni sem leið vissi ég til að háttsettur maður í samfélaginu, pólitískt virkur og stjórnarmaður í mjög stóru fyrirtæki, um skeið (síðar) sendifulltrúi Íslands á erlendri grund, maður sem flestir báru með réttu fulla virðingu fyrir á venjulegum dögum, gerði eitthvað líkt þessu á hóteli úti á landi. Blindfullur að sjálfsögðu, eins og þessi dómari hefur ugglaust verið líka. En þær íslensku hnussuðu bara yfir manninum og létu limadingl hans sem vind um eyru þjóta. Eftir einni var haft að hún hefði nú að óreyndu haldið að hann hefði einhverju merkilegra að flagga en hann sýndi þarna, en lét þess getið í leiðinni að hann væri með ágætlega stinnar og fallegar rasskinnar.

Svona afgreiddu menn (og munið að konur eru líka menn) svokallaða kynferðislega áreitni fyrir um hálfri öld!

Rekinn af HM fyrir kynferðislega áreitni

Athugasemdir

[Kolbrún Hilmars, 21.1.2011 kl. 19:52]

Kipling sagði  - á næstsíðustu öld:  "Never the twain shall meet" og átti þá við austrið og vestrið.

Á okkar núverandi öld stefnir allt í að þessi umsögn eigi við um kynin tvö...

[Sigurður Hreiðar, 21.1.2011 kl. 22:45]

Já Kolbrún, það er kannski vandfarið með kynið

En -- einu sinni -- þetta var líka fyrir sosum hálfri öld -- kærði landsþekkt kona mann fyrir nauðgunartilraun. Þegar landsþekktur þáverandi vinnufélagi minn, illu heilli dáinn núna, heyrði þetta, var hann eilítið við skál (þetta var fyrir daga Vogs og meira að segja Freeport), hnussaði hann og sagði: „Nauðga henni, þess hefur nú aldrei þurft. Anskoti hefur hann farið klaufalega að henni!“

[Sigurjón, 22.1.2011 kl. 04:02]

Ert þú að réttlæta þetta eður ei?

B.k. Sigurjón

[corvus corax, 22.1.2011 kl. 08:51]

Sigurjón er á nornaveiðum á 14. glasi. Skiljanlegt að hann fatti ekki skemmtigildið í sögunum. Réttlæting er hugtak sem á ekki við hér, þetta eru frásagnir af skondnum uppákomum sem ekki urðu að uppáferðum. Merkilegt hvað sumt fólk getur verið fordómafullt og paranojað.

[Sigurður Hreiðar, 22.1.2011 kl. 11:38]

Þakka þér fyrir corvus, að svara fyrir mig. Ég hefði ekki gert það betur.

Sigurjón, er hér eitthvað að réttlæta? -- Hitt er annað mál hvort ekki er stundum gengið of langt þegar einhver hegðun er umsvifalaust stimpluð kynferðisleg „áreitni“.

[Sigurður Þór Guðjónsson, 22.1.2011 kl. 12:05]

''Svokallaða kynerðislega áreitni''. Er til meiri kynferðisleg áreitni en bera sig frammi fyrir ókunnugri manneskju? Hér er greinilega verið að gera litið úr þessu atviki sem vísað er á . Svo er það kallað fordómar og paranoja ef einhver spyr hinnar augljósu spurningar.

[Sigurður Hreiðar, 22.1.2011 kl. 12:13]

Sigurður Þór: Hvers vegna hefur þú gæsalappir utan um fyrstu þrjú orðin í athugasemd þinni?

Þar fyrir utan: Hvern fjandann vill ókunnug manneskja vera að glápa á aðra sem hefur fækkað fötum? Hver nefndi paranoju og fordóma?

[Eyjólfur G Svavarsson, 22.1.2011 kl. 15:09]

Það er orðið vandlifað í dag, gott fólk!. Maður þorir ekki að bjóða fólki upp í bíl til að skutla því heim, í roki og rigningu/ skafrenningi. það er oft leiðinlegt að horfa upp á krakka grey skjálfandi úr vosbúð og kulda og geta ekki hjálpað, maður einfaldlega tekur ekki þá áhættu að fá á sig kæru! En því miður þá hafa barnaníðingar valdið þessari þróun!!

[(IP-tala skráð) 22.1.2011 kl. 15:14]

Já kynferðisleg áreitni! hvað er það?

Mér til að mynda hefði verið slétt sama þó einhver karlpungur beraði sig fyrir framan mig, hefði horft vel og lengi  sennilega og gefið honum  einkunn sem nótaben hefði ekki verið há því svona hegðun er fyrst og fremst hallærisleg og jú dónaleg og verst fyrir þann sem það gerir, en snertir mig akkúrat ekki neitt.  Hefði káf og fálm verið með hefði viðkomandi fengið einn á lúðurinn og málið dautt. Viðurkenni fúslega að skilja ekki kynsystur mínar oft á tíðum sem hrópa upp í tíma og ótíma kynferðisleg áreitni því það kann ekki góðri lukku að stýra að hrópa úlfur úlfur því svo kemur kannski stóri vondi úlfurinn og þá tekur engin mark á því. Finnst að konur getu nú bara tekið á þessu vandamáli sjálfar og gefið þeim gott spark í það allra helgasta

[Sigurjón, 22.1.2011 kl. 20:47]

Hvað í ósköpunum skreið í rassgatið á þér Corvus?  Ég spurði einfaldrar spurningar og þú ferð að tala um nornaveiðar?  Far þú bara með þína fordóma og paranoju fjandans til...

[Sigurður Hreiðar, 23.1.2011 kl. 12:15]

Vera má Sigurjón, að þið corvus séuð aldavinir og vanir að taka stórt upp í ykkur. En mig langar að biðja þig og aðra að spara illyrðin í athugasemdum við blogg hjá mér.

Og -- áttu ekki mynd af sjálfum þér? Eða hræddur við að sýna hana?

[Sigurjón, 23.1.2011 kl. 17:14]

Ég lít á það sem svo að ég hafi svarað í sömu mynt.  Ef ég á að sýna mynd af mér og spara stóru orðin, má ég vinsamlegast benda þér á að láta þá það yfir alla ganga.

[Sigurður Hreiðar, 23.1.2011 kl. 18:20]

Ég lít svo á að orð mín eigi við alla mína gesti. Í þessum hala ert þú sýnu verstur í orðbragði. Og -- hvers vegna notar þú felublogg, ekki aðeins mynd sem er út í hött?

[Sigurjón, 23.1.2011 kl. 23:14]

Fyrirgefðu, en þau voru ekki beinlínis falleg orðin sem fulginn atarna lét um mig falla.  Þú hins vegar sást ekki ástæðu til að fetta fingur út í það, heldur þakkar pent fyrir og gerir orðin nánast að þínum.  Það er greinilega ekki sama, Friðjón og Sigurjón...  Ætli það sé viðtekin venja hjá Vinnueftirlitinu að taka svona á kynferðislegri áreitni: Gera grín að því og kalla það gamansögur?  Þar fyrir utan kemur ykkur ekkert við hvernig ég lít út (ég er með ,,felublogg" vegna þess að ég blogga ekki), enda skiptir það engu máli.

Góðar stundir.

[Sigurður Hreiðar, 24.1.2011 kl. 10:55]

Það er mitt mat að þú hafir haft allan vinning yfir Friðjón í skætingi. Og sjáir ekkert athugavert við það. Mín vegna máttu vera í felum eins og þú sýnist. Og þetta um kynferðislega áreitni: Það er mitt mat að hún sé túlkuð of vítt nú til dags. Þó kona beri brjóst í gríni framan í karlmann eða fullur kall dragi niðrum sig nærurnar eða sparki þeim af sér í nokkurra metra nálægð við tilfallandi kvenmann en engin snerting fylgir túlka ég það í hæsta lagi sem dónaskap eða ókurteisi. Amk. svona almennt séð.

Svo frábið ég mér að vera notaður fyrir millilið þó einhver óvild sé milli ykkar jónanna.

[Sigurjón, 24.1.2011 kl. 12:41]

Skoðum aðeins skætinginn: ,,Sigurjón er á nornaveiðum á 14. glasi." - Stenst ekki, þar sem ég drekk ekki áfengi.  Sleggjudómur af hálfu Friðjóns.

,,Skiljanlegt að hann fatti ekki skemmtigildið í sögunum." - Hvað á Friðjón við hér?  Ég fæ ekki betur séð en þetta sé annar sleggjudómur og gefið í skyn að ég sé svo skyni skroppinn að ,,fatta" ekki skemmtigildið í færslu höfundar.  Friðjón hefur ekkert fyrir sér í því, þar sem ég hef ekkert sagt um það.

,,Merkilegt hvað sumt fólk getur verið fordómafullt og paranojað." - Enn og aftur setur Friðjón hér fram fullyrðingar sem vega gróflega og persónulega að mér.  Þó ég hafi ekki húmor fyrir því að fólk geri grín að kynferðislegri áreitni (athugum að við vitum ekkert hvernig manneskjunni líður sem varð fyrir þessu), þá þýðir það ekki að ég sé fordómafullur og ofsóknaróður.  Ég man ekki betur en maðurinn hafi sjálfur sagt á námskeiði fyrir öryggistrúnaðarmenn og öryggisverði að hegðun manneskju gagnvart annarri sem vill ekki verða fyrir henni, sé ólíðandi.

Það er engin sérstök óvild milli okkar Jóna, enda þekkjumst við ekkert þannig séð.  Hins vegar ert ÞÚ hlutdrægur, þar sem þú skammar mig fyrir að kasta hnútunni til baka (þó hún hafi verið grófari), en fagnar hans orðum og gerir þau að þínum.

Ég skal biðjast afsökunar þegar Friðjón gerir það.

Svo mátt þú athuga það að reyna að vera sjálfum þér samkvæmur þegar þú skammar stafaþrykkjara fyrir það sama og aðrir gera, en lætur undir höfuð leggjast að láta það yfir alla ganga.

Góðar stundir.

[Sigurður Hreiðar, 24.1.2011 kl. 15:55]

Þú metur ekki hlutina fyrir mig, Sigurjón.

Og vænti svo að þessu orðaskaki sé lokið.