Hvaðan kemur r-ið

Hvaðan kemur r-ið í heiti Villingaholts? Frá sama stað og r-ið í heiti Bolungavíkur? Eða Blikastaða á skiltinu við heimreiðina þangað?

Ég hef meira að segja séð á prenti að Laugarvegur sé til í Reykjavík. Enn hef ég þó ekki séð Reykjarvík.

En hvað kemur næst?

Villingaholtsvegur lokaður

Athugasemdir

[Ben.Ax. (Benedikt Jóhannes Axelsson), 8.9.2010 kl. 11:47]

Mér dettur í hug Hallormsstaðarskógur sem heimamenn vilja hafa errlausan, að minnsta kosti sumir. Í Lesbók Morgunblaðsins 13. tbl. 3. apríl 1966 fjallar Ásgeir Jakobsson um Bolungavík og segir þar m.a. að í eina tíð hafi ýmist verið ritað Reykjavík eða Reykjarvík. Ásgeir segir að nafn staðarins sé dregið af karlkynsorðinu bolungur í merkingunni hlaði eða köstur og í þessu tilviki rekaviðarköstur. Ef flett er upp í símaskrá er staðurinn skrifaður með erri. Hins vegar eru til tvær víkur með þessu nafni og er kaupstaðurinn á Vestfjörðum ritaður Bolungarvík en eyðivíkin á Hornströndum Bolungavík. En ég skil ekki af hverju menn gengu ekki alla leið og skrifuðu Blikarstaðarnesi úr því að verið var að bæta við erri á annað borð. Nóg er víst til af errunum.

[Sigurður Hreiðar, 8.9.2010 kl. 12:51]

Satt segirðu, BenAx, nóg er til af errunum. En -- höfum við ekki lært það af nýliðnum misserum að það er ósiður að bruðla með hlutina? Var ekki vígorð fyrirtækisins sem kom á sínum tíma í stað fyrir kaupfélögin og skuldar núna ekki nema nokkra milljarða: Bónus, ekkert bruðl!

[Guðjón Sigþór Jensson, 8.9.2010 kl. 17:42]

Ef bæjarheitið hefði verið Blikastaður væri eignarfallsmyndin Blikastaður hárrétt. En bærinn heitir Blikastaðir þó Blakkastaðir hafi komið fyrir í einni fyrstu mynd staðarheitisins í fornum heimildum.

Við skrifum Laugavegur en ekki Laugarvegur enda laugarnar í Laugadal væntanlega 2 eða jafnvel fleiri.

Bestu kveðjur

Guðjón

[Sigurður Hreiðar, 8.9.2010 kl. 18:08]

Nákvæmlega það sem ég var nú að burðast við að reyna að segja, Mosi minn góður.

[Ragnheiður , 9.9.2010 kl. 11:39]

einhverntímann sjá ég einmitt ReykjaRvík og þótti ekki mikið til koma.