Styrking í eignarfalli?

Enn má greina að hætt er að kenna frumatriði málfræði í grunnskólum. Lágmarkskrafa að blaðamenn kunni að beygja og nota orð eins og orðið styrking. Orðið vegna tekur með sér eignarfall og hvernig skyldi nú styrking vera í eignarfalli?

Íslendingar taka upp budduna á ný í útlöndum

Athugasemdir

[Anna Ólafsdóttir Björnsson, 12.8.2010 kl. 11:57]

Alls konar hryllingur heyrist og sést í fjölmiðlum þessa dagana. Var að hlusta á ágætis pistil í RUV, Rás 1, síðdegis í gær um mannréttindasafn í Manitoba þegar ég heyrði að vel (eða illa) gengi að afla fés til safnsins. Einu sinni var tiltekinn fjármálaráðherra uppefndur fésmálaráðherra vegna svipaðra afglapa. Ég skipti yfir á tónlistarrás og veit ekki enn hvort vel eða illa gengur að afla fjár til verksins.

[Sigurður Hreiðar, 12.8.2010 kl. 13:36]

Umburðarlyndið gagnvart málsóðum á RÚV er næstum yfirþyrmandi. Ekki bara í allskonar málvillum heldur líka ömurlegum framburði, þvoglumæli og furðulegum áherslum. Blogga kannski þarum síðar.

[Hólmfríður Pétursdóttir, 14.8.2010 kl. 16:08]

Ekki finnst mér sanngjarnt að kenna skólunum um allt sem miður fer.

Við þrælumst á málfræði ekki síður en áður. Fólk les aftur á móti mun minna en áður var, sérstaklega velskrifaðar bækur á íslensku.