Fréttablaðið im memoriam

Fréttablaðið virðist vera látið. Amk. hefur það ekki sést hér á mínum slóðum í hálfan mánuð eða svo sem er nokkur nýlunda, svo skilvíslega sem það hefur yfirleitt borist hingað í þeim tilvikum sem bunkinn sem átti að dreifast í hverfið hefur ekki fundist á einhverjum ótilgreindum stað utan helstu alfaraleiðar.

Ég verð að játa að mér er nokkur eftirsjá að greyinu, þó ég gerði ekki í upphafi ráð fyrir langlífi þess sem fríblaðs. En það hlaut eiginlega að koma að þessu fyrr eða síðar. Verst þykir mér að ágætir kunningjar mínir sem unnu að ýmsum þáttum blaðsins skuli þá vera orðnir atvinnulausir, finnst þeir ekki eiga það skilið.

Athugasemdir

[K.H.S., 9.8.2010 kl. 14:29]

Sæll

Tel þig ekki vera að missa af neinu. Ekki gráta aumingjann.

Ég gafst uppá spunanum í blaðlingunum á Fréttablaðinu fyrir allöngu og setti vörn á blaðalúguna.

Líður miklu betur á eftir og þunglindið niður um mörg prik.

B. kv.

[Halldór Egill Guðnason, 9.8.2010 kl. 16:56]

Farð hefur fé betra, ef það er raunin að þessi augýsingapési sé í andarslitrunum. Stórundarleg markaðssetning sem átt hefur séð stað að undanförnu hjá blaðinu. Til að AUKA þjónustu við lesendur var hætt að dreifa blaðinu frítt á landsbyggðinni, blaðið tekið af öllum bensínstöðvum en hægt að kaupa það á einhverjum ákveðnum ótolgreindum stöðum. Kannast einhver við að svona STÓRAUKIN þjónusta við lesendur eða viðskiptavini hafi einhversstaðar skilað einhverjum árangri? Þetta er algerlega ný aðferð í viðskiptum og verðugt rannsóknarefni að fylgjast með árangrinum.