Ekki steinrunnið málfar

Af því ég hef gert dálítið af því að reka hnýflana í málfar þeirra sem skrifa mbl.is má ég til með að lýsa velþóknun minni með þessa tilvísun í steinrunna sjómenn -- sem ég skildi reyndar ekki alveg strax. En það er einmitt það sem við á, að fá mann til að hugsa dálítið um það sem rennur fyrir sjónir manns.

Svona málfar er ekki steinrunnið.

Leiðangri þyrlunnar missti ég að vísu af en núna hef ég í tvígang á þremur dögum séð tveggja skrúfuhreyfla flugvél svífa yfir mig. Neðan á vængjunum stendur BYLGJAN. Ég kann ekki flugvélar að þekkja en finnst þessi dálítið lík gamla þristinum sem oft flaug yfir mínar heimaslóðir hér áður fyrr meir. -- Hélt að þristurinn væri orðinn of dýr í rekstri til að honum væri haldið á lofti nú um stundir. Og kannski er þetta alls ekki þristur heldur.

Octopus vekur mikla athygli

Athugasemdir

[Hans R. (IP-tala skráð) 2.8.2010 kl. 18:40]

Jú þetta er reyndar gamli þristurinn sem var með Bylgjulímmiðann um helgina.  Hann er vel geymdur á flugsafninu á Akureyri.