Hvar endar fóturinn?

Mikið er nú gott að drengnum var bjargað og að honum verður vonandi ekki meint af ævintýrinu.

En:

Á mér og þeim sem ég þekki háttar svo til að fóturinn nær bara upp í klof. Þess vegna skil ég ekki það vaxtarlag sem gerir einhverjum kleyft að sökkva „upp fyrir mitti á öðrum fæti“. Og hvar hafði hann hinn fótinn? Var hann geymdur uppi á bakka og lenti ekki í kviksyndinu?

Ég bið ykkur, kæra mbl.is-fólk, í guðanna bænum skrifiði skiljanlegar fréttir!

Dreng bjargað úr kviksyndi

Athugasemdir

[Þorsteinn (IP-tala skráð) 7.7.2010 kl. 14:24]

Athyglisvert vaxtarlagið í Mósó.

Þar sem ég þekki til nær fóturinn ekki ofar en að ökkla.... 

[Sigurður Hreiðar, 7.7.2010 kl. 14:34]

Hvaðan ert þú úr sveit, Þorsteinn minn? Er t.d. hnéð ekki á fætinum á þér? Eða kálfinn? Og hvað með lærið? Þegar talað er um konur með fagra fætur (sjaldnast um karla), er þá bara átt við það sem er neðan ökla?

[Sigurður Jónsson, 7.7.2010 kl. 17:06]

Það er nú yfirleitt sagt að konur hafi fagra fótleggi  

[Sigurður Hreiðar, 7.7.2010 kl. 18:39]

Ég er ósammála því, Sigurður Jónsson. Nema það fylgi enskuöpun síðari tíma. Meðan mín kynslóð var upp á sitt besta höfðu konur fagra fætur, hné og læri ekki undanskilin. -- Og ef við förum út í enskuöpunina skulum við líka muna eftir því að í ensku er til "upper leg" þegar átt er við læri, sem segir okkur að fóturinn nær alla leið upp í klof. Líka hjá enskum!