Hve gamlir?

Ætli þessir kauðar hafi ekki verið á þrítugsaldri? Skv. orðabók eru þeir á tvítugsaldri sem farnir er að nálgast 20 ára afmælið. Eftir það eru þeir komnir á þrítugsaldurinn.

Þetta er oft misnotað af því þeir sem skrifa skilja ekki hvað við er átt með orðinu og hafa ekki fyrir því að fletta því upp.

Vænti að hjónin séu milli 50 og sextugs -- á sextugsaldri, eins og þarna stendur -- og dóttirin á milli 30 og 40 ára eins og þarna stendur -- á fertugsaldri.

Vona að þau nái sé fljótt af áverkum sínum og að kauðarnir verði rassskelltir.

Leiðrétt sláttuvilla kl. 18.20

Enn á spítala eftir líkamsárás

Athugasemdir

[Anna Dóra Gunnarsdóttir, 4.5.2010 kl. 15:20]

Ég er alveg sammála þér í því að blaðamenn mættu margir vanda málfar sitt og fara betur með staðreyndir á köflum, en það er ekkert í þessari tilteknu frétt sem bendir til þess að mennirnir séu EKKI á tvítugsaldri.  Það er, því miður, ekki hægt að gefa sér það að menn undir tvítugu séu allir friðsamir og berji ekki mann og annan.  En dóttirin getur ekki verið á aldrinum 20 - 40 ára ef hún er á fertugsaldri.  Hún hlýtur þá að vera á milli 30 og 40 ára.  Þarna skaustu sjálfan þig í fótinn..... en ég trúi að þar hafi verið á ferð prentvilla

[Sigurður Hreiðar, 4.5.2010 kl. 18:21]

Nú er ég búinn að leiðrétta þetta. Þakka þér fyrir, Anna Dóra.

[Anna Dóra Gunnarsdóttir, 7.5.2010 kl. 01:28]

Ekkert að þakka, það er bara gaman að verða að liði og enn meira gaman að sjá skoðanir manna, hvort heldur maður er þeim sammála eða ekki.  Ég er sammála þér eins og ég skrifaði þarna ofar.